U lind më 17 korrik të vitit 1989 në Neçavc të Hanit të Elezit.
Ai vjen nga një familje fisnike, punëtore e respektuar dhe me vlera që e kanë shoqëruar atë në çdo hap të jetës së tij.
Shkollimin fillor e kreu në Shkollën Fillore “Ilaz Thaçi” në Hane të Elezit ndersa atë të mesëm e kreu në Shkollën e Mesme “Dardania” në Hani të Elezit – drejtimi Shoqëror.
Ferdi Topojani ka përfunduar studimet e larta në Universitetin e Evropës Juglindore në Tetovë, Maqedoni, në degën e Shkencave Politike, ku ka diplomuar gjatë periudhës 2009–2012. Gjatë viteve të studimeve dhe pas tyre, ai ka qenë gjithmonë i angazhuar në çështje që prekin interesin publik dhe zhvillimin e demokracisë lokale.
I motivuar nga dëshira për të dhënë një kontribut të drejtpërdrejtë dhe të sinqertë për komunitetin e tij, Ferdi ka vendosur të hyjë në jetën publike dhe politike të komunës së Hanit të Elezit.
Ai kandidoi për Kuvendin Komunal nga radhët e Lëvizjes VETËVENDOSJE!, duke sjellë me vete një qasje të re, konstruktive dhe të bazuar në parimet e drejtësisë, transparencës dhe përkushtimit qytetar.
Në zgjedhjet e 12 tetorit 2025, Ferdi Topojani fitoi zgjedhje duke u renditur ndër më të votuarit në Han të Elezit.
Ai si asambleist është i përkushtuar për të qenë zëri i qytetarëve në Kuvend, duke promovuar politika të arsyeshme dhe zhvillim të qëndrueshëm për të gjithë.
Ai do të vazhdoj të qendroj pranë qytetarëve, duke garantuar punë, transparencë dhe llogaridhënie ashtu siç ua ka premtuar atyre.
