Zyrtarë nga Agjencioni për Menagjimin e Emergjencave (AME) të mbështetuar nga UNDP-ja dhe zyrtarët nga Agjencia Zvicerane “Platforma Zvicerane për Fatkeqësitë Natyrore” (PLANAT) vizituan sot Komunën e Hanit të Elezit.
Qëllimi i vizitës nga delegacioni Zviceran është njohja më nga afër me rrezikun e emergjencave duke u fokusuar te rrëshqitjet e dheut dhe orteqet si dhe ofrimi i asistencën së tyre për ndërtimin e kapacitetit në këtë fushë.
Zana Hoxha-Edip nga UNDP-ja tha se në bashkëpunim me Agjencionin për Menagjimin e Emergjencave (AME) janë në fazën e Hartimit të Strategjisë Kombëtare për Menagjimin e Emergjencave dhe për këtë qëllim janë angazhuar edhe ekspert nga Platforma Zvicerane për Fatkeqësitë Natyrore (PLANAT).Me këtë rast janë duke u realizuar vizita në disa komuna të cilat në kohën e fundit janë përballur me fatkeqësi natyrore me fokus të veçantë vërshimet, rrëshqitjet e dheut dhe orteqet.
Zyrtarët nga agjencia zvicerane Platforma Zvicerane për Fatkeqësitë Natyrore (PLANAT) Bernard Biedermann dhe Willy Eyer than se me këto vizita synojmë të identifikojmë natyrën e rreziçeve dhe fatkeqësive natyrore me të cilat përballen zona të caktuara në Kosovë dhe nga përvoja e jonë të ofrojmë opcione për zvoglimin e këtyre reziqeve në kuadër të Hartimit të Strategjisë Kombëtare për Menagjimin e Emergjencave.
Ndërsa Zyrtarët nga AME-ja thanë se fatkeqësitë natyrore mund të godasin në cdo moment por çështja është si të ballafaqohemi me fatkeqësitë natyrore. Eshtë me shumë rëndësir forcimi i kapaciteteve të autoriteteve lokale dhe bashkëpunimi me Institucioneve Qendrore në lidhje me një çështje të ndieshme siç është ajo e katastrofave natyrore e cila sjell dëme si ekonomike po ashtu edhe në humbje të jetës së njerëzve. Masat parandaluese janë shumë të rëndësishme në këtë drejtim, për të parandaluar ato fatkeqësi natyrore që mund të shmangen.
Ndërsa Drejtoria për Shërbime Publike dhe Emergjenca Civile e Komunës së Hanit të Elezit para mysafirëve prezentoi përvojat e komunës së Hanit të Elezit në ballafaqimin me situata mjaft emergjete të shkaktuara nga vërshimet e fundit. U theksuan rastet teje të vështira në Lagjen e Re dhe në fshatin Pustenik.
Në situatën e përmbytjes gjatë periudhës të fundvitit të kaluar si dhe në pranverën e këtij viti, po nxirren mësimet e duhura, për t’i parandaluar situata të tilla si dhe për të dhënë një ndihmë të menjëhershme.Ndaj janë mjaft të rëndësishme identifikimi i rreziqeve, masat parandaluese dhe koordinimi ndërinstitucional.
Kryetari i komunës Rufki Suma duke përshkruar gjendjen ekzistuese potencoi se komuna ka vendosur në prioritet sanimin e gjendjes në Lagjen e Re në pjesën urbane, ngase këto janë për momentin kapacitete buxhetore dhe shpreson se në këto projekte madhore do të ketë përkrahjen edhe të institucioneve qendrore
