Pavarësisht se aktualisht nuk ka indikacione se Kosova mundë të jetë destinacioni i ardhshëm i refugjatëve nga zonat e luftës të lindjes së mesme, megjithatë mundësia që kjo të ndodhë ishte arsye e vizitës të zyrtarëve të Lartë nga Agjencioni për Menagjimi e Emergjencave komunës së Hanit të Elezit.
z.Hajriz Sejdiu Drejtorë i Gatishmërisë në AME, z.Mustafë Gashi Drejtorë i Operativës në AME dhe z.Sali Mustafa e Nejazi Miftari koordinatorë rajonal për çështje të emergjencave të rajonit të Gjilanit u pritën nga nënkryetari i komunës z, Menduh Vlashi, ndërsa në takim ishin prezent edhe drejtorët e drejtorive të komunës së Hanit të Elezit.
Takimi i cili kishte karakter konsultativ, nxjerr një objektiv që pa marrë parasysh rrethanat aktuale, Komuna e Hanit të Elezit si komunë kufitare duhet të hartojë një planë në rast të ndonjë fluksi eventual të refugjatëve i cili plan do të zbërthente bartësit e aktiviteteve, aspektet organizative si dhe identifikimin e kapaciteteve aktuale të komunës së Hanit të Elezit .
Zyrtarët e lartë nga AME-ja than se në raste të tilla eventuale, Institucionet Qendrore do të angazhohen më tërë kapacitetin, mirëpo komunat, në këso raste ata në kufi siç është komuna e Hanit të Elezit do të jenë të parat të cilat duhet të dëshmojnë funksionalitetin dhe gatishmërinë që të përballen me situata të krizës.
Ndërsa nënkryetari i Komunës z.Menduh Vlashi e vlerësoi këtë takim si shumë të arsyeshëm duke e deklaruar gatishmërinë e komunës së Hanit të Elezit që në bashkëpunim me AME-në të hartojë një plan për situata të tilla dhe të definohen prioritetet dhe bartës institucional të aktiviteteve .
Palët u pajtuan që në vazhdimësi të bashkërendojnë aktivitetet të cilat do të jenë të koordinuara edhe institucionet tjera publike të cilat trajtojnë këto situata.
