Komuna e Hanit të Elezit në bashkëpunim me Fondacionin Kosovë-Luksemburg organizoi takim të përbashkët me kryetarët e fshatrave, vendbanimeve dhe lagjeve urbane të komunës së Hanit të Elezit.
Takimi kishte karakter informues në të cilën zyrtarët nga Fondacioni Kosovë-Luksemburg prezentuan metedologjin e aplikimit për të përfituar nga projektet e këtij fondacioni.
Fondacionin Kosovë-Luksemburg dhe komuna e Hanit të Elezit kanë nënshkruar Marrëveshje Bashkëpunimi për implementimin e projekteve zhvillimore në komunën e Hanit të Elezit. Në kuadër të këtij bashkëpunmim 2014-2016 do të realizohen projekte për zhvillimin e komunitetit në sektorët e gjenerimit të të hyrave duke u fokusuar edhe në barazi gjinore dhe ruajtje të ambientit. Projekti do të fillojë me ngritjen e kapaciteteve të grupeve të ndryshme të komuniteteve të interesuara në sektorët e përmendur, njëkohësisht për të krijuar edhe bazën e të dhënave për realizimin e aktiviteteve të mëpastajme në kuadër të projeketeve për zhvillim.
Zyrtarja nga Fondacioni Kosovë-Luksemburg znj.Valbonë Rexhepi-Salihu para pjesmarrësve prezentoi procedurat dhe afatet e aplikimit duke ofruar udhëzimet e nevojshme se si duhet plotësuar aplikacionet në mënyrë që projektet me të cilat do të konkurohet të jenë në përputhje me kushtet e propozuara nga fondacioni.
Zyra për informim
