Edhe përkundër shumë masave preventive të cilat janë ndërmarrë në komunën e Hanit të Elezit për të parandaluar zjarret,megjithatë temperaturat shumë të larta që mbretëruan gjatë tërë verës , bënë që edhe në komunën e Hanit të Elezit të paraqiten vatra të fuqishme të zjarreve.
Rufat Shkreta ,Drejtorë i Drejtorisë për Shërbime Publike dhe Emergjencë tha se , dje rreth orës 13.00 jemi njoftuar se janë paraqitur vatra të zjarrit në pjesët e fshatit Rezhancë,dhe se menjëherë jemi mobilizuar dhe kemi intervenuar me njësinë e zjarrfikësve të Hanit të Elezit. Kemi kërkuar edhe ndihmë nga njësit tjera simotra të komunave fqinje mirëpo zjarret që kanë përfshi anekënd Kosovën ka pamundësuar ndihmën e tyre. Megjithatë zjarrfikësve tanë iu kanë dalë në ndihmë zyrtarë komunalë,zjarrfikës vullnetarë dhe shumë banorë të zonave të goditura.
Për të përcjellë dhe për të koordinuar tërë këtë aktivitet në vend të ngjarjes ishte edhe kryetari i komunës z. Rufki Suma. Ai me këtë rast tha se jemi duke i bërë të gjitha përpjekjet ,me mundësitë dhe kapacitetet të cilat i kemi në dispozicion për të vënë nën kontroll këtë stuhi zjarri. Fatkeqësisht gjërat vështërsohen edhe më tepër pasi që zjarri ka përfshirë sipërfaqen e cila është përplot me mbetje të municionit dhe zonave të minuara që nga koha e luftës. Gjatë tërë kohës dëgjohen ndezje të municioneve të mbetura,dhe se zjarri është duke përfshirë pjesën ku gjatë kohës së luftës së UÇK-së ka qenë e minuar dhe për të cilën jemi të sigurt se ka ende mbetje të minave të vendosura nga njësit ushtarake serbe. Kjo situatë e bënë edhe më të komplikuar aksionin për shuarjen e zjarrit tha z. Suma për të shtuar se stuhia e zjarrit gjithnjë e më tepër po ju afrohet antenave transmetuese të telefonisë mobile dhe të cilat mundë të pësojnë dëme .
Nexhmedin Fida koordinatorë i njësisë së zjarrfikësve raporton se për momentin situata paraqitetet tejet e rëndë dhe se zjarri ka përfshirë pjesë të maleve dhe shkurreve ne afërsi të fshatit Rezhancë ,Pustenik dhe është më e fuqishme në afërsi të antenave transmetuese.Jemi në kontaktë të vazhdueshëm me të gjitha institucionet relevante edhe me Policinë e Kosovës për të menaxhuar me këtë gjendje .dhe nëse situata përkeqësohet do të kërkojmë mobilizim të forcave shtesë nga administratorët e fshatrave.
Zyra për Informim
