Hani i Elezit 09.09.2011
Moti i thatë dhe temperaturat e larta që mbretëruan këto ditë bën qe sot në mesditë ne malet e komunës së Hanit të Elezit të paraqiten shumë vatra të zjarrit.
Nga njësia zjarrfikëse e Komunës së Hanit të Elezit janë raportuar zjarre serioze në fshatin Krivenik,Gorancë,dhe Puset e Nikës të cilat kishin përfshirë disa dhjetëra hektarë të maleve rreth këtyre fshatrave .
Pas intervenimit fillestarë të njësisë zjarrfikëse të Hanit të Elezit, shërbimit Policorë të Kosovës,zyrtarë të komunës,vullnetarë dhe banorëve të fshatrave të rrezikuar, me pajisje tejet modeste dhe me përpjekje mbinjerëzore për të lokalizuar këto zjarre, ,situata serioze bëri që të kërkohet ndihmë edhe nga komunat fqinje të Kaqanikut dhe Ferizajit të cilët shumë shpejt iu bashkuan për të ndihmuar në shuarjen dhe lokalizimin e këtyre zjarreve.
Edhe pse situata paraqitet tejet serioze megjithatë rrethanë e mirë është se për momentin nuk janë rrezikuar vendbanimet me popullatë , tha Kryetari i Komunës Rufki Suma i cili vizitoi rajonin e goditur duke shfrytëzuar rastin që të falënderoj ekipet zjarrfikësve të komunave fqinje për angazhimin në ndihmë në këtë situatë emergjente.
Në orët e vona të mbrëmjes, njësia e zjarrfikësve ka raportuar se zjarri është lokalizuar dhe është nën kontrollë.
Zyrtari i Lartë në Agjencionin komunal të pyjeve Zaim Bela tha se vlerësimet e para janë se dëmet janë të konsiderueshme ,sidomos në drurin e Pishës me afro 10 Hektarë dhe kullosa e shkurre me afro 30 hektarë.
Zyra per Informim
