Banorët e komunës së Hanit të Elezit edhe një herë treguan gatishmërinë për ambient të pastër. Edhe pse deri me tani komuna e Hanit të Elezit është angazhuar shumë në fushën e mjedisit konkretisht në pastrimin e lokaliteteve nga deponitë dhe mbeturinat si dhe në mirëmbajtjen dhe ruajtjen e ambientit, aksioni “Ta pastrojmë Kosovën”nxori në veprim dashamirët e ambientit të pastërt, nxënësit dhe stafin arsimorë nga të gjitha shkollat fillore dhe të mesme në të gjitha fshatrat dhe vendbanimet e komunës së Hanit të Elezit.Këtij aktiviteti të përbashkët iu bashkuan edhe 10 ushtarë të FSK-së nga Brigada për Reagim të Shpejtë (BRSH), Kompanitë private “Luri” dhe “Krasi” si dhe punëtorë nga Kompanija “Sharrcem” nga Hani i Elezit.
I tërë aksioni ishte i koordinuar nga Përfaqësues të aksionit “Ta pastrojmë Kosovën”, nga Drejtoria për Shërbime Publike e komunës së Hanit të Elezit dhe nga Kompanija “Pastërtia” ndërsa për siguri u kujdesën zyrtarë nga Policia e Kosovë.
Aksioni "Ta pastrojmë Kosovën" është zhvilluar në të gjitha lagjet dhe vendbanimet e komunës ndërsa aty ku ishte e nevojshme angazhimi i mekanizimit të rëndë u kujdesën kompanitë “Luri” dhe “Krasi”
Edhe në këtë aksion nuk mungoi kryetari i komunës Rufki Suma i cili theksoi se jemi të përkushtuar që të angazhohemi edhe me tej në fushën e mbrojtjes së mjedisit dhe atë me të gjitha mekanizmat” u shpreh kryetari Suma.
Zyra për Informim
