Kryetari i Komunës së Hanit të Elezit Rufki Suma priti sot në takim informues përfaqësuesit e Misionit të Bashkimit Evropian për Vëzhgimin e Zgjedhjeve lokale të 3 nëntorit në Kosovë.
Anëtarët e këtij misioni znj Barbara Szlefarska dhe z.Velko Miloev, uruan kryetarin Suma me rastin e rizgjedhjes së tij, duke theksuar se tashmë kanë vlerësuar procesin zgjedhor në komunën e Hanit të Elezit si të sukseshsëm dhe pa ndonjë incident të theksuar dhe në raportet preliminare komuna e Hanit të Elezit ka marrë vlerësime pozitive për një proces shumë demokratik dhe për mbarvajtje të suksesëshëm të procesit zgjedhorë
Duke i falënderuar për vizitën, kryetari Rufki Suma tha se “Vlerësoj dhe çmoj punën e juaj si dhe angazhimin që keni dhënë në këtë process të rendësishëm për vendin tone. Kryetari Suma gjithashtu vlerësoj deklaratat e përfaqësuesit të BE-së në Kosovë z.Zhbogarit për zgjedhjet të cilat i ka deklaruar të qeta dhe stabile.
Përsonalisht jam i knaqur me gjithë procesin e zgjedhjeve në komunën e Hanit të Elezit, duke ju referuar edhe raporteve të deritanishme si të vëzhguesve të pavarur por edhe të instucioneve zyrtare të cilat ishin të angazhuara në tërë këtë proces, Policisë së Kosovës dhe të Prokurorisë së Shtetit.
Dua të theksoj se këtij procesi i kontribuan edhe banorët e komunës së Hanit të Elezit të cilët në numër shumë të madhë morrën pjesë në votime, afër 63%,të cilët e legjitimuan në tërësi vullnetin e tyre politik tha z. Suma.
Në interes të anëtarëve të misionit ishin edhe numri i fletëvotimeve të pavlefshme të cilat në komunën e Hanit të Elezit ishin rreth 7%, për të cilën kryetari i komunës z.Suma tha se një pjesë të përgjegjësisë bartin subjektet politike të cilat nuk janë angazhuar sa duhet në spjegimin e metodës së votimit për subjektet dhe këshilltarët komunale, por shtoi se një një pjesë e këtyre fletvotimeve mundë të jenë edhe nga banorët legjitim të komunës së Hanit të Elezit por të cilët jetojnë në Republikën e Maqedonisë dhe nuk kan qenë mire të informuar me mënyrën e votimit.
Zyra për Informim
