Në kuadër të aktiviteteve të rregullta të MKRS dhe me qëllim të grumbullimit të informatave lidhur me gjendjen në fushën e kulturës ,rinisë dhe sportit,Zëvendësministri në MKRS z.Gani Elshani dhe Zyrtarja për barazi gjinore znj.Nezaçete Rukovci sot vizituan Komunën e Hanit të Elezit.
Z.Elshani u takua me Nënkryetarin e Komunës z.Muzafer Dernjani dhe me Drejtorin e Drejtorisë për Arsim ,kulturë, rini dhe sport z.Nazim Laçi.
Duke shpalosur qëllimin e vizitës z.Elshani tha se MKRS është duke bërë identifikimin e nevojave të komunave në fushëveprimin e sajë në ato segmente ku kjo ministri do të ketë mundësi të përkrahjes së drejtpërdrejt sidomos në përkrahjen e klubeve sportive dhe të shoqatave kulturore artistike.
Pas një pasqyrimi të shkurtë të gjendjes momentale të klubeve sportive dhe të shoqërive kulturore- artistike në komunë z.Laçi theksoi se mundësit buxhetore të komunës janë shumë të kufizuara për përkrahje afatgjate të veprimtarive të tyre .Mungesa e infrastrukturës për aktivitete sportive,mungesa e një objekti për bibliotekë të qytetit,e shumë probleme të kësaj natyre ishin temë e bashkëbisedimit tëz.Elshanit dhe zyrtarëve të Komunës
Z.Elshani është zotuar se të gjitha këto shqetësime dhe nevoja do të merren ne konsiderim dhe se do të gjenden edhe mënyra dhe mjete për përkrahje të rinis të komunës tonë.
Zyra për Informim
