Hani i Elezit 07.04.2014
Në hapësirat e kuvendit të Komunës së Hanit të Elezit sot është organizuar Debat Publik lidhur me “RAPORT I VLERËSIMIT TË NDIKIMIT NË MJEDIS TË DEPONIS PËR DEPONIMIN E MBETURINAVE QË PËRMBAJNË AZBEST NË FSHATIN GORANCË,KOMUNA HANI I ELEZIT”
Në debat ku morrën pjesë qytetarë të komunës së Hanit të Elezit, zyrtarë nga Ministria e Mjedisit dhe Planifikimit Hapsinorë, Kryetari i Komisionit për Bujqësi, Pylltari, Mjedis e Planifikim Hapësinor, Nait Hasani, Kryetari i Komunës së Hanit të Elezit Rufki Suma dhe zyrtarë komunal e përfaqësues të Kompanis “SKP” Shpk Prizren.
Investitori, Kompania ,,SKP” Sh.p.k Prizren dhe Hartuesi i Raportit, Kompania N.SH.,,Geo-Miningu” Prishtinë, në prezantimin e tyre thanë se Raporti i VNM-s përfshin propozimin e masave mbrojtëse për mjedisin me rastin e ndonjë aksidenti ambiental gjatë fazave të implemtimit të projektit të pastrimit të shtratit të Lumit Lepencë nga mbetjet e azbesit. Ata than se gjat hartimit të projektit është bërë identifikimin i burimit që rrezikon mjedisin, vlerësimin e ndikimit në mjedis si dhe propozimin e masave themelore për minimizimin apo zvogëlimin gjer në kufijtë e lejuar. Duke përmendur Ligjet në fuqi si dhe ;
Udhëzimi Administrativë Nr.07/2009 për Administrimin e Mbeturinave që Përmbajnë Azbest ;
Udhëzimi Administrativ Nr. 15/2012 për menaxhimin e deponive të mbeturinave
Udhëzimi Administrativë Nr.06/2008 për Administrimin e Mbeturinave të Rrezikshme
Udhëzimi Administrativ Nr.01/2009 mbi kushtet për zgjedhjen e lokacionit dhe ndërtimin e deponive, kanë siguruar informatat themelore që nënkupton identifikimet si që janë :
burimet themelore të ndikimeve në mjedis, popullata ekzistuese me karakteristikat demografike.
karakteristikat e dheut, topografia dhe peizazhi në lokacionin e planifikuar për dertimin e deponis për deponimin e mbeturinave që përmbajnë azbest, klima e lokacionit me të dhënat meteorologjike, kualiteti i ajrit dhe ujit në lokacionin më të gjerë, bota bimore dhe shtazore në terrenin e analizuar.
Vlerësimi i tyre përfundimtarë ishte se në bazë të tërë asaj që është thënë më lart mund të konkludojmë se ndikimet në mjedis, të aktiviteteve në deponin për deponimin e mbeturinave që përmbajnë azbest janë mjaftë të vogla e disa edhe fare të pa përfillshme që do të thotë se realizimi i këtij projekti është ne interes të shëndetit të njeriut dhe është mjaft miqësorë për mjedisin.
Me gjithat në debat u dëgjuan edhe mendime të ndryshme nga banorët e fshatit Gorancë të cilët shprehën dyshimet e tyre lidhur me këtë deponi e cila do të lokalizohet në afërsi të fshatit, duke insistuar që implementuesi i projektit dhe MMPH-ja të jenë në përputhje me standardet e kërkuara për realizimin e këtij projekti.
Përfaqësuesit e MMPH-ja thanë se pikërisht ky debat na ofron informatat e nevojshme lidhur me vendimin përfundimtarë dhe se kjo Ministri do të zbatojë në tërësi rregullativën Ligjore.
Kryetari i Komisionit për Bujqësi, Pylltari, Mjedis e Planifikim Hapësinor, Nait Hasani duke dhënë kontributin e tij në këtë debat tha se në Kosovë ka shumë problem mjedisore që duhen zgjedhur dhe se ky projekt është aprovuar në bazë të vlerësimit për rezikun që kanoset për qytetarët e komunës së Hanit të Elezit. Ai tha se i tërë projekti është koordinuar me komunën e Hanit të Elezit në bazë të vendimit të kuvendit të komunës së Hanit të Elezit .
Deputeti Hasani siguroi të gjith pjesmarrësit se i tërë projekti do të zhvillohet sipas standardeve më të larta dhe në të mire të qytetarëve të komunës së Hanit të Elezit.
Edhe kryetari Suma tha se i tërë projekti është i planifikuar dhe konsultuar gjatë gjith kohës me ekspert të kësaj fushe dhe po ashtu edhe implementimi do të monitorohet me ndihmën e MMPH-së dhe zyrtarë të komunës së Hanit të Elezit.Ai siguroi banorët e fshatit Gorancë se do të jenë të informuar gjatë gjithë kohës me fazat e implentimit të projektit.
Zyra për informim
