Si pasojë e reshjeve të mëdha të shiut që goditën komunën e Hanit të Elezit gjatë këtyre ditëve e vetmja rrrugë që lidhë Kosovën me Maqedoninë, magjistralja Hani i Elezit – Kaçanik, që nga orët e hershme të mëngjesit ishte e bllokuar nga shembja e gurëve në të dy drejtimet.
Përkundër shumë përpjekjeve të autoriteteve kompetentë për mirëmbajtjen e kësaj Magjistraleje ajo mbetet edhe më tej vështirë e kalueshme gjatë ditës së sotme.
Të ballafaquar me këtë gjendje edhe komuna e Hanit të Elezit është mobilizuar që nga orët e hershme të mëngjesit që ta bëjë të kalueshme rrugën alternative Hani i Elezit –Gorancë –Glloboqicë e cila për shkaka të terenit malorë ishte e mbuluar me borë.
Zyrtarë nga Drejtoria e Shërbimeve Publike dhe nga Drejtoria e Urbanizmit përveç pastrimit të rrugës nga bore u detyruan që të angazhojnë edhe mekanizim të rëndë për të sanuar edhe shembjet në segmentin e rrugës Hani i Elezit- Gorancë e cila vazhdonë të jetë e paqëndrueshme si pasojë e rrëshqitjes së dheut nga rreshjet e fundit.
Gjatë ditës edhe policia e Kosovës ka njoftuar se për shkak të shembjes së madhe të dheut dhe të gurëve në rrugë, magjistralja, Kaçanik – Hani i Elezit është e bllokuar tërësisht për qarkullim, në të dyja drejtimet”, duke i orientuar shoferët për të marr drejtimin e pikës kufitare drejt Glloboçicës.
Tërë kjo situat e krijuar e ka bërë shumë të arsyeshëm rrezikun se kjo gjendje mundë të përsëritet edhe në të ardhmen, e që nxjerr si shumë të arsyeshëm insistimin e vazhdueshëm të komunës së Hanit të Elezit që Qeveria e Kosovës urgjentisht të angazhohet në asfaltimin e segmentit rrugorë Gorancë- Glloboqicë si dhe të ndërmerr veprime në përfundimin e projektit Hani i Elezit –Gorancë , konkretisht në pjesën e papërfunduar të këtij projekti.
Të gjitha këto projekte do të evitonin mundësit për bllokim të qarkullimit që lidhë Kosovën me Maqedoninë si dhe do të kontribonin në infrastrukturën në dy komuna, Hanin e Elezit dhe Kaçanikut.
Zyra për informim
