Hani i Elezit 17.01.2013
Në kuadër të bashkëpunimit të vazhdueshëm të KFOR-it dhe komunës së Hanit të Elezit kryetari Rufki Suma priti në takim pune komandantin e njësive të LMT-së të Kampit Bondsteel Kolonel Clojd me bashkëpunëtorët e tij.Takimi kishte karakter informativ mbi zhvillimet e përgjithshme në komunën e Hanit të Elezit .
Duke falënderuar për bashkëpunimin shumë të mirë që ka komuna e Hanit të Elezit me njësinë e LMT-së në Han të Elezit, z. Suma tha se përkrahja e gjithmbarshme e KFOR-it dhënë popullit të Kosovës është e jashtëzakonshme në rindërtimin e sajë por mbi të gjitha për çështjet e sigurisë së përgjithëshmë .
Në vlerësimin se gjendja e përgjithshme në komunën e Hanit të Elezit është shumë e mirë, dy bashkëbiseduesit u dakorduan se kjo gjendje ndikohet edhe nga ngjarjet dhe zhvillimet e ndryshme si në Kosovë ashtu edhe në rajon.
Në këtë kontekst për mysafirin ishte në interes të marrë edhe opinionin e z. Sumës për ngjarjet në Luginën e Preshevës .
Në përgjigjeje të këtij interesi z. Suma tha se këto incidente nuk janë të rastit dhe nuk janë të panjohura për neve. Sa herë që Serbia dëshiron të përfitojë diçka nga bashkësia ndërkombëtare ajo inskenon incidente ,dhe e tërë kjo situatë mundë të ndërlidhet me procesin e bisedimeve që janë në zhvillim e sipër. Komuniteti Shqiptarë në Preshevë nuk e ka vendosur Lapidarin e Dëshmorëve për të provokuar qeverinë e Serbisë dhe popullin Serb, por për të nderuar qytetarët e vet të cilët kanë qenë viktima të një pushteti kriminel të cilin vet populli Serb dhe bashkësia ndërkombëtare e kanë vlerësuar si të tillë. Politika e shtetit Serb vazhdon të tensionon rajonin dhe të pengojë perspektivën e një zhvillimi pozitiv. Ndërhyrjet e strukturave të qeverisë Serbe në Kosovë vazhdojnë të mbajnë të tensionuar edhe shoqërinë kosovare dhe në këtë kontekst z. Suma shprehu mendimin personal se në këtë rast bashkësia ndërkombëtare mundet të bëjë ma shumë dhe se për një qytetarë të thjeshtë është e pa imagjinueshme se KFOR-i nuk mundet me i largu barrikadat e vendosura në veri të Kosovës dhe të siguron lëvizje të lirë për të gjithë qytetarët që dëshirojë të jetojnë dhe punojnë në Kosovë.
Populli i Kosovës me pranimin e Planit të Presidentit Ahtisarit ka bërë kompromisin maksimal me bashkësinë ndërkombëtare dhe besojmë fuqishëm se kjo do të respektohet tha më tej z.Suma .
Zyra për informim
