Hani i Elezit 13.02.2012
Ekzekutivi i komunës së Hanit të Elezit po vazhdon përpjekjet e parreshtura që të përballet edhe më tutje me stuhinë e borës që nuk ka të ndalur.
Edhe pse dje tërë ditën ishte i angazhuar tërë potenciali i komuës për të pastruar të gjitha rrugët,rreshjet e pandërprera të borës të shoqëruara edhe me erë të fortë,bënë që me mëngjes të mobilizohen prapë dhe të ju dilet në ndihmë banorëve të fshatrave për rreth.
Nga raportimet e Drejtorisë për Shërbime Publike dhe Emergjencë Civile, mësohet se gjendja është shumë e vështërsuar ,duke shtuar se në disa vende trashësia e borës ka arritur edhe mbi një metër ,por se nuk ka vendbanime të bllokuara.
Për momentin segmenti rrugorë që lidhë fshatin malorë të Gorancës me Hanin e Elezit ,dhe që ka afër 2.000 banorë, si dhe lagjeja e Ramukëve ,gjendja paraqitete më e vështërsuar ,.
Rufat Shkreta Drejtorë i DSHPEC ,tha se po punohet me tërë kapacitetin si të kompanisë publike komunale,,Pastërtia “,kompanisë së kontraktuar ,,Eskavatori” nga Ferizaj, si dhe njësinë e zjarrfikësve, që sa më shpejtë të vendoset normaliteti,edhe në këto rrugë.
Gjatë gjithë kësaj kohë emergjente, linjat e komunikimit dhe të furnizimeve me të gjitha fshatrat dhe vendbanimet, kanë qenë të mira edhe pse në disa raste është intervenuar disa herë me ndihma humanitare kryesisht me ushqime për familjet me gjendje të rendë sociale, si dhe për familjet që kanë vështërsi për tu furnizuar.
Segmenti rrugorë Hani i Elezit – Kaçanik , është i kalueshëm,por me kujdes të shtuar, sidomos në pjesën e grykës së Kaçanikut.
Nga Policia e Kosovës nuk raportohet për ndonjë ngjarje të veçantë ,ndërsa vendëkalimi kufitarë është duke funksionuar normalisht.
Zyra për Informim
