Hani i Elezit 27.11.2012
Të nderuar qytetarë të Komunës së Hanit të Elezit , të nderuar bashkëqytetarë kudo që jetoni e punoni ,të nderuar Shqiptarë anë e këndë botës
Urimet më të përzemërta, me rastin e 100 vjetorit të Pavarësisë së Shtetit Shqiptar,
,,28 Nëntorit Ditës së Flamurit”,ditëlindjes së Komandantit Legjendarë Adem Jasharit dhe daljes së parë publike të UÇK-së.
Le të mblidhemi të gjithë së bashku me 28 Nëntor në festën e madhe të flamurit kombëtarë, i cili na identifikon të gjithëve si një komb .
Dita e Pavarësisë është dita e përjetësisë së një kombi. Nuk ka ditë më të rëndësishme për qytetarët sesa ditëlindja e kombit të tyre. Pavarësia e shqiptarëve në Shqipëri u shëndërrua në shpresë dhe përkushtim për të gjithë shqiptarët, që ata të fitojnë të drejtat dhe liritë e tyre,që mbajti gjallë realizimin e ëndrrës së përhershme të shqiptarëve për mëvetësi, duke shpalosur identitetin autokton të popullit tonë.
Duke lënë në zemrat e të gjithë neve dhe gjeneratave që vijnë dashurinë e madhe për Flamurin e Skënderbeut, gëzuar festa e 28 Nëntorit, Gëzuar pavarësia shqiptare.
Kryetari i Komunës
Rufki Suma
