U zhvillua Punëtoria “Funksionimi dhe bashkëpunimi i komunës me mekanizmat komunale për pjesëmarrje” u zhvillua me sukses më 29 Nëntor 2024, në sallën e takimeve të Komunës së Hanit të Elezit.
Gjatë punëtorisë, e cila u organizua në bashkëpunim e Komunws së Hanit të Elezit, respektivisht Drejtorisë së Administratës së Përgjithshme me Misionin e OSBE-së në Kosovë, patëm kënaqësinë të mirëpresim përfaqësues nga këshillat e fshatrave dhe institucione të tjera relevante. Diskutimet u fokusuan në sfidat dhe mundësitë për një bashkëpunim më të mirë midis komunës dhe mekanizmave të pjesëmarrjes qytetare.
Si Kryetar i Komunës, gjatë punëtorisë theksova mbështetjen time të vazhdueshme për këshillat e fshatrave dhe për të gjithë mekanizmat që ndihmojnë në promovimin e transparencës dhe përfshirjes qytetare. Për mua, këto mekanizma janë jetikë për të ndërtuar një qeverisje më të afërt dhe të përgjegjshme ndaj qytetarëve.
Komuna e Hanit të Elezit do të vazhdojë të ofrojë mbështetje logjistike dhe institucionale për t’u siguruar që këto mekanizma të jenë funksionalë dhe efikasë.
Falenderojmë të gjithë pjesëmarrësit për angazhimin e tyre!
