Parandalimi i radikalizmit dhe ekstremizmit të dhunshëm, shkaqet dhe pasojat e përfshirjes së qytetarëve të Kosovës në luftërat në Lindjen e Mesme ishte tema debatit të organizuar nga Zyra Regjionale e OSBE-së në Gjilan në të cilën morrën pjesë përfaqësues të institucioneve komunale, Policia e Kosovës, nga Bashkësia Islame e Hanit të Elezit, zyrtarë të institucioneve publike e arsimor, shoqërisë civile dhe nga gruper tjera të interesit.
Në emër të Zyra Regjionale e OSBE-së të pranishmëve iu drejtua z.James Lyon.
Ai tha se shoqëria po përballet me shumë sfida ku ndikim të madhë kanë shumë faktorë.Mirëpo shtresa më e atakuar është gjenerata e re e cila në kërkim të identitetit mundë të lëvizin nga një ekstrem në tjetri.Në formimin e tyre janë shumë faktorë të cilit determinojnë karakterin e tyre duke filluar nga familja, shkolla, rrjetet sociale e shumë faktorë tjerë.
Duke marrë parasysh të gjithë këta faktorë rrjedhimisht të gjithë mundë të kontribojmë në parandalimin e radikalizmit dhe ekstremizmit të dhunshëm i cili nuk është vetëm problem i një komune ose Kosove por është problem global tha z.Lyon.
Në emër të nikoqirit të këtij takimi, nënkryetari i komunës së Hanit të Elezit Menduh Vlashi theksoi se institucionet komunale po japin kontributin sa i përket temës. Kemi pasur shumë aktivitete, e takime ku u diskutuan dhe u dhanë rekomandime të numërta lidhur me qasjen që duhet ndërmarr si shoqëri dhe politikat që duhet zbatuar për parandalimin dhe luftimin e ekstremizmit të dhunshëm në Kosovës. Është në interes të komunës por edhe nivelit nacional që të shfrytëzohen gjitha forumet ekzistuese, për të ndikuar në rritjen e nivelit të sigurisë.
Në takim kontribuan edhe edhe kryetari i Bashkësisë Islame në Han të Elezit z.Musa Vila i cili se ata që janë të kyçur në këto gjëra, bëjnë tentativa për të manipuluar në emër të fesë. Kjo ideologji e tyre ka për qëllim të dëmtoj fenë dhe kjo kërkon një studim që duhet bërë dallimi mes atyre që predikojnë fenë dhe të atyre që e shfrytëzojnë fenë për interesa e qëllime që nuk kan të bëjnë asgjë me fenë Islame.
Ndërsa Nusret Shiti Imam në Xhamin e Hanit të Elezit tha se “Islami e ndalon çfarëdo lloj dhune, ndalon gjakderdhjen, sepse jeta me Kuran është e shenjtë. Vrasja e një njeriu pa të drejtë, është mizori, andaj këtë e ndalon Islami. Kam thënë dhe e përsërisë gjithnjë se grupet ekstremiste terroriste nuk e përfaqësojnë islamin”.
Ata madje theksuan se gjithnjë ka qenë dhe janë të gatshëm të bashkëpunojnë me të gjithë mekanizmat për parandalimin e ekstremizmit dhe radikalizmit.
Kjo tryezë u vlerësua lartë nga pjesëmarrësit të cilët shfaqen interesim të madh ku u diskutuan dhe u dhanë rekomandime të numërta lidhur me qasjen që duhet ndërmarr si shoqëri dhe institucionet që duhet zbatuar për parandalimin dhe luftimin e ekstremizmit të dhunshëm në Kosovës
