Hani i Elezit 27.02.2012
Mbahet takimi i I-rë i Grupit Planifikues Komunal të Hanit të Elezit ne kuadër të projektit të hartimit të Planit Rregullues Urban të Hanit të Elezit,për dy njësi urbane: Qendrën dhe Lagjen e Parkut.
Ky takim ishte inicues në veçanti për këtë projekt, dhe është njëri ndër të shumtët në vazhdën e procesit planifikues në Han të Elezit. Ky process i cili ka filluar në vitin 2009 me fillimin e hartimit të Planit Zhvillimor Komunal (PZHK) për të vazhduar me Planin Zhvillimor Urban (PZHU) duke arritur deri me aprovimin e këtyre planeve nga Ansambleja Komunale.
Të dy dokumentet për nga mënyra e të hartuarit janë unike në Kosovë duke qenë se i tërë procesi planifikues është udhëhequr dhe kryesuar nga vet Komuna e Hanit të Elezit dhe që ka pasur mbështetjen e vazhdueshme teknike dhe profesionale të Programit të Mbështetjes së Komunave në Planifikim Hapësinor (MuSPP) i cili zbatohen nga UN Habitat-i dhe financohet nga Sida.
Kjo mënyrë e të hartuarit “vet” të Planeve Zhvillimore është vlerësuar se ka mbartur në vetvete shumë komponente pozitive duke filluar nga përfshirja e të gjitha palëve të interesuara në proces, transparenca gjatë procesit si dhe diskutimet publike serioze, që në të vërtetë kanë ngritur më lartë vlerën e vërtetë të këtyre dokumenteve.
Me këtë mendohet se janë sjellë dokumente zhvillimore relevante, profesionale dhe të përshtatshmë duke bërë që edhe zbatimi i tyre të jetë më serioz edhe për shkak të ndjenjës së pronësisë për një plan të tillë.
Takimi në fjalë është pjesë e vazhdimësisë të këtij procesit dhe është dakorduar që komuna të vazhdojë me hartimin e Planit Rregullues Urban me kapacitetet e ngritura që e pasuan procesin e mëprashëm, por që në vazhdimësi do të ketë mbështetjen teknike dhe profesionale të MuSPP.
Hapjen e takimit e bëri Drejtori për Urbanizëm, Kadastër dhe Mbrojtje të Mjedisit (DUKMM)z. Miqail Vila, si organ bartës i këtij procesi, duke nënvizuar vazhdimin e procesit planifikues në përgjithësi dhe duke falenderuar MuSPP-in.
Përfaqësuesi i UN-Habitat-it z. Ishaku Maitumbi theksoi bashkëpunimin e shkëlqyeshëm mes palëve si dhe tregoi objektivat që MuSPP do të arrijë me hartimine këtij plani dhe gjatë procesit në përgjithësi.
Duke përshëndetur të pranishmit nënkryetari i komunës Muzafer Dernjani tha se suksesi në hartimin e PZHK-së dhe PZHU-së, është garancë e mirë se komuna e Hanit të Elezit ka kapacitetet e nevojshme edhe për hartimin e Planit Rregullues Urban .
Planeri i UN Habitat-it , z. Sami Stagova, si udhëheqës projektit, shpalosi më në detale se çka në të vërtetë përmban projekti dhe sfidat që do të ballafaqohen drejtuesit e projektit dhe Grupi Planifikues Komunal si një bërthamë e projektit.
Përfaqësuesi i UN-Habitat-it z. Ishaku Maitumbi theksoi bashkëpunimin e shkëlqyeshëm mes palëve si dhe tregoi objektivat që MuSPP do të arrijë me hartimine këtij plani dhe gjatë procesit në përgjithësi.
Duke përshëndetur të pranishmit nënkryetari i komunës Muzafer Dernjani tha se suksesi në hartimin e PZHK-së dhe PZHU-së, është garancë e mirë se komuna e Hanit të Elezit ka kapacitetet e nevojshme edhe për hartimin e Planit Rregullues Urban .
Planeri i UN Habitat-it , z. Sami Stagova, si udhëheqës projektit, shpalosi më në detale se çka në të vërtetë përmban projekti dhe sfidat që do të ballafaqohen drejtuesit e projektit dhe Grupi Planifikues Komunal si një bërthamë e projektit.
Në fund takimi u mbyll me falenderime të veçanta për UN Habitat-in për mbështetjë gjatë procesit të deritanishëm si dhe me zotime nga të dy palët për bashkëpunim të mëtutjeshëm.
Zyra për Informim
