Hani i Elezit 24.02.2012
Këshilli komunal për siguri në bashkësi në takimin e dytë të radhës për vitin 2012 vlerësoi gjendjen e përgjithshme të sigurisë në komunën e Hanit të Elezit .
Kryetari i komunës Rufki Suma njoftoi anëtarët e KKSB-së, se ditë më parë është nënshkruar ,,Marrëveshja e Mirëkuptimit” ndërmjet komunës së Hanit të Elezit , FIQ-it dhe Saferworld për implementimin e projektit për instalimin e kamerave të monitorimit në institucionet shkollore.
Ky projekt i cili është vlerësuar se mund të ndikoj në ngritjen e sigurisë në bashkësi dhe është miratuar në planin e veprimit të KKSB-së për vitin 2012 do të realizohet nga FIQ-i dhe Saferworld, ndërsa do të financohet nga Ministria e Punëve të Jashtme të Norvegjisë.
Reshjet e mëdha të borës gjatë muajit shkurt dhe menagjimi i kësaj situate, ishin temë e analizës së këtij takimi. Vlerësimi përgjithshëm i anëtarëve të KKSB-së ishte se përkundër vështërsive reale të ndikuara nga reshjet e mëdha të borës dhe moti i ftohët,e gjithë situata është menaxhuar mirë dhe se gjatë gjithë kohës të gjitha rrugët kane qenë të hapura dhe të kalueshme. Linjat e komunikimit dhe furnizimit me të gjithë fshatrat ,deri te lagjet më periferike kanë qenë të rregullta.
Resurset e nevojshme për këtë situatë,duke filluar nga kompania komunale ,,Pastërtia”,njësia e zjarrfikësve,si dhe kompania e kontraktuar ,,Eskavatori” të koordinuara nga Drejtoria për Shërbime Publike dhe Emergjenca Civile, kanë qenë të angazhuara maksimalisht duke rezultuar që situata të konsiderohet e qëndrueshme dhe stabile.
Temë e këtij takimi ishte edhe gjendja pas përmirësimit të motit, dhe mundësit për ndonjë gjendje të re emergjente.Të gjithë bashkëbiseduesit u dakorduan se për momentin nuk ka indikacione për ndonjë vlerësim të rezikut aktual,edhe pse DSHP-ja në bashkëpunim me Qendrën Rajonale për Emergjenca Civile ka identifikuar të gjitha zonat e mundshme të rrezikut dhe se gjendja është duke u monitoruar dhe konformë situatës edhe të veprohet.
Zyra për Informim
