Me qëllim të bashkërendimit të aktiviteteve si dhe shkëmbimit të informatave në komunën e Hanit të Elezit, çdo të hëne mbahen mbledhjet e rregullta të ekzekutivit të Komunës së Hanit të Elezit.
Këto takime të rregullta javore kryesohen nga kryetari i komunës Rufki Suma, ndërsa marrin pjesë nënkryetari i komunës Menduh Vlashi, Kryesuesi i Kuvendit Qamush Brava si dhe Drejtorët e Drejtorive përkatëse. Takimet shfrytëzohen që të raportohet për zhvillimet aktuale në fushëveprimin e ekzekutivit të komunës së Hanit të Elezit si dhe për të koordinuar dhe planifikuar aktivitetet në interes të realizimit të objektivave sipas planeve të miratuara.
Përveç stafit politik në takim marrin pjesë edhe udhëheqësja e personelit, menagjeri i zyrës së prokurimit, zyrtari ligjorë dhe zyrtari për informim.
Zyra për Informim
