Hani i Elezit 31.08.2012
Me qëllim të përfshirjes së qytetarëve në proceset e vendimmarrjes, siç është Projekt-Buxheti për vitin 2013-2015, Kryetari i Komunës Rufki Suma,Nënkryetari Muzafer Dernjani dhe Drejtori i Drejtorisë për Buxhet dhe Financa, Shabi Rexhallari realizuan një varg të takimeve konsultative me banorët e komunës së Hanit të Elezit dhe atë :
Me datën 27 gusht 2012 (e hënë), nga ora 18:30, në objektin e shkollës fillore ”Kështjella e Diturisë” në Paldenicë, me banorët e fshatit Paldenicë, Ramukë, Dremjak dhe Lagja Curri.
Me datën 28 gusht 2012 (e martë), nga ora 18:30, në objektin e shkollës fillore “Veli Ballazi” në Gorancë, me banorët e fshatit Gorancë, Rezhancë dhe Lagjes Hunel.
Dhe me datën 30 gusht 2012 (e enjte), nga ora 18:30, në objektin e shkollës fillore “Ilaz Thaçi në Seçishtë, me banorët e fshatit Seçishtë, Krivenik dhe Lagje e Re.
Këto takime ishin në funksion të dhënies së ideve dhe propozimeve për hartimin sa me cilësor të projekteve zhvillimore të Komunës së Hanit të Elezit dhe një mundësi e mirë që vet qytetarët të jenë ata që do të vendosni për të ardhmen e tyre.
Gjatë këtyre takimeve ku prezantuan numër i konsiderueshëm i banorëve, rrjedhë si emërues i përbashkët investimet në infrastrukturë , shërbime publike si dhe problemet në furnizimin me ujë të pijshëm. Një pjesë e madhe e shqetësimeve të banorëve të këtyre fshatrave për investime në këto projekte ishin të vendosura në listën e projekteve kapitale për realizim për periudhën 2013-2015 , mirëpo buxheti i vogël i komunës nuk garanton edhe realizimin e tyre dhe zyrtarët e lartë të komunës u shprehën se mbeten me shpresë se do të kenë mirëkuptim edhe nga Qeveria e Kosovës por edhe nga donatorët e ndryshëm për realizimin e tyre.
Zyrtarët e lartë të komunës në këto takime kërkuan nga banorët që edhe vetë të kontribuojnë në realizimin e këtyre projekteve, dhe mënyra më e mirë në këtë drejtim është pagesa e tatimeve në pronë ,ngase në të ardhmen ky do të jetë kriteri përcaktues për investime .
Këto konsultime me qytetarët u përmbyllen sot në takimin me qytetarët e Hanit të Elezit, fshatrat, Dimcë, Laç dhe Lagjet Rana,Uji i Thartë, Meliç,Bravë
Nga këto takime ekzekutivi i komunës së Hanit të Elezit do të përgatis një dokument gjithëpërfshirës dhe do ti ja prezantoj këshilltarëve të komunës së Hanit të Elezit për miratim.
Zyra për Informim
