Nënkryetari i komunës së Hanit të Elezit z.Menduh Vlashi dhe Kryesuesi i kuvendit të Komunës z.Qamush Brava pritën sot në takim pune z.Gzim Sahiti nga MAPL-ja përkatësisht Departamenti Ligjor dhe monitorm të komunave. z.Liridon Shurdhani,Këshilltarë Ligjorë në kuadër të projektit “Partneritet për Zhvillim” të USAID-it dhe z.Besart Graiçevci nga Zyra e Kryeministrit për publikimin e Gazetës Zyrtare.
Mysafirët i njoftuan nënkryetarin z.Menduh Vlashi dhe kryesuesin z.Qamush Brava me projektin “Partneritet për Zhvillim” të përkrahur nga USAID-I I cil ka për qëllim që rregulloret komunale të publikohen në Gazetën Zyrtare të Republikës së Kosovës.
Takimi kishte për qëllim identifikimin e zyrtarëve komunal të cilët do të jenë përgjegjës për publikimin e akteve komunale në të ardhmen, inventarizimin e të gjitha akteve komuna në fuqi si dhe informimin e komunave me procedurat dhe mundësinë e përdorimit të portalit të Gazetës Zyrtare të Republikës së Kosovës.
Palët u pajtuan se ky projekt është në interes të transparencës sa më të mirë të institucioneve publike dhe u zotuan për bashkëpunim në mënyrë që projekti të realizohet në interes të qytetarëve dhe të gjithë të ineresuarve tjerë.
