Hani i Elezit 22.11.2013
Kryetari i komunës së Hanit të Elezit Rufki Suma, sot kishte kënaqësi të veqantë që të pritë në takim miqësorë dhe falënderues stafin e Projektit Zvicër-Kosovë për Qeverisje Lokale dhe Decentralizim, dhe i zbatuar nga HELVETAS Swiss Intercooperation, Fondacioni Zvicran për zhvillim dhe bashkëpunim LOGOS me në krye z.Norbert Pijls, Menaxher i Projektit me rastin e përmbylljes së marrëveshjes së bashkëpunimit 2010-2013.
Kryetari Suma, në emër të tij personal dhe në emër të banorëve të komunës së Hanit të Elezit me respektin më të lartë falënderoi Qeverinë Zvicrane e cila permes projektit të LOGOS-it ndihmuan në ndërtimin dhe zhvillimin e Komunës së Hanit të Elezit.Ai tha se LOGOS-i është bërë sinonim i një bashkëpunimi të jashtëzakonshëm i cili ka rezultuar me shumë projekte të cilat kan ndikuar në mënyrë të drejtpërdrejt në jetën e secilit qytetarë të komunës sonë.
Në një prononcim të veçantë, kryetari Suma, tha se përkrahja e LOGOS-it tejkalon vlerën financiare ngase në projektin LOGOS dhe stafin e tyre kemi hasur në miq dhe partnerë të sinqert në përkrahje të vizionit tonë, dhe sa here që kemi pas nevojë ju jemi drejtuar për këshilla dhe ndihmë dhe gjithmonë kemi gjetur mirëkuptim dhe përkrahje.
Ndërsa z.Norbert Pijls, Menaxher i Projektit LOGOS, tha se ka qenë kënaqësi e veçantë bashkëpunimi me komunën e Hanit të Elezit. Jemi shumë të lumtur që me projektin tone kemi ndikuar në mirëqenien e qytetarë të komunës së Hanit të Elezit.Ai tha se me aktivitet përbashkëta, me projektet e realizuar të cilat janë në dobi të shoqërisë në përgjithësi, përqojmë porosi të mira se bashkërisht jemi më të fortë dhe plotësojmë njëri-tjetrin si shoqëri”. Për ne është e rëndësishme që kemi arritur në vlerësimin e qytetarëve dhe knaqshmëris së tyre për atë që është arritur për këto katër vite. Duke uruar kryetarin Suma me rastin rizgjedhjes z.Norbert Pijls tha se kjo është përgjigjeja e qytetarëve për atë që është arritur në komunën e Hanit të Elezit .
Projekti LOGOS as në këtë takim nuk mbeti pa dhuruar,kësaj radhe ishin “Mirënjohjet” për zyrtarët e Komunës së Hanit të Elezit të cilët kontribuan që aktivitet e LOGOSI-it të implemntohen me shumë sukses.
Edhe kryeatari i komunës së Hanit të Elezit Rufki Suma në shenjë të falënderimit për kontributin e dhënë, nderoi me Emblemën e Komunës së Hanit të Elezit z.Norbert Pijls, Menaxher i Projektit LOGOS.
Zyra për informim
