Stacioni Policorë i Kosovës –Hani i Elezit i cili vepron në kuadër të Drejtoris Rajonale –Ferizaj prezentoi Raportin e Punës për vitin 2015.
Në takim ku ishin prezent Drejtori i Drejtorisë Rajonale të Policisë-Ferizaj, z.Gazmend Hoxha me bashkëpunëtorë, udhëheqësit e komunës së Hanit të Elezit me në krye z.Rufki Suma kryetarë i komunës, përfaqësues nga BIK-Hani i Elezit,udhëheqësit e këshillave lokale të komunës së Hanit të Elezit, raportin vjetorë të punës për vitin 2015 e prezantoi komandanti i Stacionit Policorë në Han të Elezit z.Nuhi Dema.
Në raportin e tij ai prezentoi të dhënat për veprat penale të ndara sipas kapitujve të Kodit Penal të Republikës së Kosovës .
Sipas komandantit Dema numri i përgjithshëm i rasteve të raportuara në Stacionin Policorë të Kosovës –Hani i Elezit gjatë vitit 2015 është për 16.8% më i vogël krahasuar me vitin 2014.
Ai duke prezantuar të dhënat për veprat penale të ndara sipas kapitujve të Kodit Penal të Republikës së Kosovës tha se po thuaj se në të gjitha kapitujt ka rënje të rasteve të raportuara.
Mbetet shqetësuese aksidentet ne trafikun rrugor të cilat në vitin 2015 shënuan rritje në krahasim me vitin 2014.
Komandanti Dema theksoi edhe objektivat për vitin 2016 si parandalimi i veprave penale kundër pasurisë, sidomos të vjedhjeve, vjedhjeve të rënda dëmtimi i prones se luajtshme, ngritja e realizimit të urdhëresave të Gjykatave nga të gjitha njësit policore të SP Hani Elezit si dhe ngritja e zbulueshmërisë së veprave penale.
Ai falënderoi kryetarin e komunës Rufki Suma për bashkëpunimin shumë të mirë për të arritur qëllimin e përbashkët të sigurisë së qytetarëve.
Drejtori i Drejtorisë Rajonale të Policisë-Ferizaj, z.Gazmend Hoxha duke uruar komandantin Dema për raportin pozitiv të punës gjatë vitit 2015 tha se raporti i prezantuar është në vijën e arritjes të qëllimit për parandalimin e të gjitha formave të veprave penale dhe zbulimin e krimeve. Ai theksoi vështërsit me të cilat është ballafaquar Policia e Kosovës gjatë vitit 2015. Edhe Drejtori Hoxha përmendi numrin e shtuar të aksidenteve në komunikacion që sipas tij është trend në gjithë vendin duke e ndërlidhur me shumë faktorë objektiv .
Ndërsa kryetari i komunës Rufki Suma duke e vlerësuar këtë raport pozitiv tha se është edhe meritë e qytetarëve të cilët po kontribuojnë në sigurinë e përgjithshme.
Kryetari Suma u ndalë në një fenomen të cilin ai e vlerësoi si etiketim i paarsyeshëm i komunës së Hanit të Elezit dhe komunës së Kaçanikut me ekstremizëm fetarë. Në shumë raste kam theksuar dhe po e theksoj edhe sot se janë shumë të paarsyeshme këto vlerësime nga se kemi të bëjmë me raste të izoluara dhe në disa raste edhe të pa verifikuara. Për këtë ai fajësoi në masë të madhe mediat të cilat në shumë raste ekzagjerojnë pa ndonjë arsye reale.
Ai tha se situatën e përgjithshme të sigurisë në vazhdimësi e vlerësojmë përmes takimeve të rregullta mujore në Këshillin Komunal të Sigurisë në Bashkësi ku pjesëmarrës janë të gjithë aktorët të cilët mundë të kontribuojnë në këtë drejtim
