Sot pata kënaqësinë që, së bashku me Drejtorinë për Arsim, të shpallim mësimdhënësit e dalluar të vitit në Komunën e Hanit të Elezit.
Në shenjë vlerësimi për përkushtimin, profesionalizmin dhe kontributin e tyre në procesin edukativo-arsimor, këtë vit titulli “Mësimdhënësja e Vitit” i është ndarë mësueses Rufije Daci nga ShFMU “Ilaz Thaçi”, për punën e palodhshme dhe angazhimin e vazhdueshëm në edukimin dhe formimin e brezave të rinj.
Si mësimdhënësja më e mirë e vitit në nivel komunal, ajo ka marrë pjesë edhe në ceremoninë e ndarjes së çmimit “Shaban Jashari” në Prishtinë, ku janë vlerësuar mësimdhënësit e dalluar nga niveli komunal në të gjithë vendin.
Me mirënjohje janë vlerësuar edhe mësimdhënëset e dalluara:
Prof. Mimoza Kalisi, nga ShML “Dardania”
Mësuesja Ganimete Shala Berisha, nga ShFMU “Kështjella e Diturisë”
Shpreh respektin dhe mirënjohjen time për të gjithë mësimdhënësit që çdo ditë, me përkushtim dhe profesionalizëm, kontribuojnë në ngritjen e cilësisë së arsimit dhe në edukimin e gjeneratave të reja në komunën tonë
