Hani i Elezit 11.01.2014
Pas takimeve inicuese të kryetarit të komunës Rufki Suma me zyrtarët nga qyteti i Shkupit dhe Gjorgje Petrovit, është realizuar takimi i grupeve punuese nga qyteti i Shkupit dhe komunës së Hanit të Elezit.
Grupi punues i komunës së Hanit të Elezit i udhëhequr nga nënkryetari Menduh Vlashi dhe zyrtarët nga qyteti i Shkupit në takimin punues shpalosën detalet e projekt propozimit me të cilën Qyteti i Shkupit dhe Komuna e Hanit të Elezit do të aplikojnë në thirrjen e komisionit Evropian për të aplikuar për fondet IPA-s të dedikuara për bashkëpunim ndërkufitarë.
Sipas marrëveshjes, bartëse e projektit nga pala Maqedonase do të jetë qyteti i Shkupit dhe bashkë-aplikues do të jetë komuna e Gjorgje Petrovit, ndërsa nga pala Kosovare bartëse e projektit do të jetë komuna e Hanit të Elezit ndërsa bashkë-aplikues do të jetë komuna e Kaçanikut.
Partnere asociuese në këtë aplikim të përbashkët të Hanit të Elezit dhe Shkupit do të jenë edhe ministritë përkatëse, Ministria e Ambientit dhe Planifikimit Hapësinorë e Kosovës dhe Ministria e Mjedisit e Maqedonisë.
Hani i Elezit dhe Shkupi do të aplikojnë për fondë prej 250.000.oo-500.000.oo € të dedikuara për bashkëpunim ndërkufitarë ndërsa do të implemntohen në pastrimin dhe rehabilitimin e shtratit të Lumit Lepencë, projekt ky që është identifikuar si me interes të veçantë për të dy palët.
Sipas kritereve të komisionit Evropian, palët konkurruese në këtë aplikacion, nëse do të jenë përfituese, do të ndajnë fondin në 50-50 në përputhje me standardet e komisionit Evropian.
Gjatë takimit punues janë harmonizuar shumë detale të projekt propozimit që kërkohen në aplikacionin përfundimtarë, me ç’rast palët u dakorduan që javën e ardhshme të intensifikohen kontaktet dhe takimet në mënyrë që aplikacioni të jetë përfundimtarë deri me datë 20 janar kur është afati i fundit për aplikim.
Është me rëndësi të theksohet se që të dy palët u dakorduan se pavarësisht a do të jenë përfituese apo jo në këtë ftesë, ndërmjet qytetit të Shkupi dhe komunës Hanit të Elezit ka shumë fusha të përbashkëta të bashkëpunimit të cilat domosdo duhet të iniciohen dhe avancohen dhe këto takime të jenë të vazhdueshme, dhe në të ardhmen të dy palët të aplikojnë në projekte tjera në interes të përbashkët.
Zyra për Informim
