Hani i Elezit 06.11.2014
Komuna e Hanit të Elezit mundë të krenohet me infrastrukturën shkollore dhe kushtet e ofruara për zhvillim e procesit arsimorë. Përkundër shumë investimeve që janë bërë në këtë drejtim, komuna e Hanit të Elezit vazhdon të ketë ndër prioritetet e saja investimet në objektet shkollore dhe infrastrukturës përcjellëse.
Në këtë drejtim janë bërë renovimet e nevojshme në Shkollën e Mesme të Ulët ,,Veli Ballazhi“ në fshatin Gorancë si përfituese nga programi ,,Masat e Efiçiencës së Energjisë Elektrike” të financuara nga IPA.
Duke u bazuar në raportet e auditimit i cili përfshinë të dhënat në lidhje me energjinë e konsumuar, gjendjen fizike dhe masat të cilat duhet të ndërmerren për përmirësimin e kushteve në këtë shkollë, Komiteti drejtues i Zyrës Ndërlidhëse të Komisionit Evropian, MAPL-së, MZHE-së dhe MAPH-së kanë vendosur që të investohet në këtë shkollë në izolim termik, ndërrimin e dyerve dhe dritareve të jashtme si dhe rehabilitimin e sistemit ekzistues të ngrohjes, ndërrimi i kalldajës me përdorimin e drurit si lëndë djegëse si dhe rehabilitimin e instalimit elektrik dhe ndriçimit.
Gjatë ditës këtë institucion shkollorë e vizituan në emër të komisionit Evropian znj.Merita Govori, përfaqësues të komisionit mbikëqyrëse “AE COM” të kompanisë së kontraktuar “DEMOCTECHNIC” dhe “RAFI” të cilët u shoqëruan nga Kryetari i Komunës Rufki Suma.
Vizita kishte për qëllim vlerësimin e punimeve të kryera në këtë shkollë, dhe të gjithë u pajtuan se ky investim do të kontribuojë në ngritjen e standardit dhe cilësisë në procesin arsimorë si dhe qëllimit të projektit, ngritjen e Masave të Efiçiencës së Energjisë Elektrike.
Janë afro 130.000.oo € të cilat janë investuar në këtë projekt tha znj.Govori dhe po besojmë se kemi arritur që nxënësave të kësaj shkolle të ju sigurojmë kushte sa më të mira të mësimit.Duke rritur Masat e Efiçiencës së Energjisë Elektrike do të arrihen kursimet e nevojshme që do të arsyetojnë këtë investim.
Ndërsa kryetari i komunës Rufki Suma duke falënderuar të gjithë ata që u angazhuan në implementimin e këtij projekti tha se komuna e Hanit të Elezit ka realizuar shumë projekte të cilat janë ndihmuar nga Komisioni Evropian. Edhe renovimi i kësaj shkolle është në vargun e atyre projekteve dhe për këtë qytetarët e komunës së Hanit të Elezit i janë mirënjohës Komisionit Evropian. Kryetari Suma falënderoi edhe implementuesit e këtij projekti për angazhimin e tyre në realizimin me sukses duke shtuar se për nxënësit e kësaj shkolle dhe stafin arsimorë janë krijuar kushtet optimale për zhvillimin e procesit arsimorë.
Edhe z.Faruk Berisha, Drejtori i Shkollës së Mesme të Ulët ,,Veli Ballazhi“ në fshatin Gorancë si përfituese e projektit, falënderoi për këtë investim dhe njëherit ndau “Mirënjohje” për znj.Merita Govori, nga Komisioni Evropinan, përfaqësues të komisionit mbikëqyrës “AE COM” dhe të kompanisë së kontraktuar “DEMOCTECHNIC” dhe “RAFI”.
Zyra për Informim
