Hani i Elezit 12.12.2012
Në kuadër të projektit “Përkrahja në shkëmbimin e përvojave më të mira me zyrtarët e të njëjtit nivel”, projekt i cili mbështetet nga zyra Regionale e OSBE-së në Gjilan ,zyrtarë nga komunat e Kaçanikut dhe Novobërdos vizituan sot komunën e Hanit të Elezit.
Zyrtarët nga komunat musafire së pari u takuan me Kryesuesin e Kuvendit të Komunës së Hanit të Elezit z, Menduh Vlashi i cili në pika të shkurta i njoftoi me punën e asamblesë komunale .
Kryesuesi i kuvendit z. Vlashi , tha se asamblenë komunale të Hanit të Elezit gjatë këtyre viteve e ka karakterizuar një frymë e mire e punës dhe bashkëpunimit .Sa i përket aspekteve teknike të përgatitjes së seancave të kuvendit , ai tha se njoftimet për seancat e kuvendit si dhe të gjitha materialet e nevojshme këshilltarëve iu dorzohen me kohë dhe se në vazhdimësi jemi përpjekur që ti respektojmë afatet Ligjore lidhur me organizimin e sencave të kuvendit. Janë funksionale të gjitha komitetet obligative dhe ato konsultative tha z.Vlashi.
Këtë vit , puna e kuvendit është avansuar edhe në aspektin e teknologjisë informative, për të gjithë këshilltarët janë siguruar llaptop, materiali iu përcillet me kohë dhe në mënyrë elektronike, është siguruar edhe monitorimi me anë të teleprezencës, dhe në përgjithësi janë siguruar të gjitha kushtet për mbarvajtjen e punës së kuvendit tha z. Vlashi.
Gjatë ditës zyrtarët nga komunat e Kaçanikut dhe Novobërdos i priti edhe kryetari i komunës Rufki Suma. Ai i njoftoi musafirët mbi rrjedhat e përgjithëshme në komunën e Hanit të Elezit.
Kryeatari Suma tha se komuna e Hanit të Elezit si komunë e re në vazhdimësi ka pasur nevojë për përvojën dhe përkrahjen e komunave tjera.Përkrahjen më të madhe dhe të pakursyeshme e këmi gjetur të kolegët nga komuna e Kaçanikut për të cilën shfrytëzojë rastin që të ju falënderohem .
Komuna e Hanit të Elezit për këto vite ka bërë hapa të mëdhenj në konsolidimin e sajë në shumë fusha tha z. Suma , duke shtuar se është investuar në infrastrukturën rrugore, arsim, shëndetësi e shërbime publike , por kemi pasur dhe na presin ende shumë sfida për të realizuar atë që kemi planifikuar.
Zyrtarët nga komunat e Kaçanikut dhe Novobërdos gjatë ditës vizituan edhe zyrët e punës së administratës të komunës së Hanit të Elezit.
Kjo vizitë është pranuar shumë mirë nga pjesëmarrësit, si mundësi që të mësojnë shumë nga njëri-tjetri, përmes shkëmbimit të përvojave më të mira.
Zyra për Informim
