Hani i Elezit 03.05.2013
Shkolla Fillore e Mesme e Ulët ,,Kështjella e Diturisë”në fshatin Paldenicë me një manifestim rasti shënoi 8 vjetorin e pavarësimit .
Kryetarin e komunës së Hanit të Elezit z.Rufki Suma, kryesuesin e Kuvendit të Komunës z.Menduh Vlashin, përfaqësues të shkollave të komunës së Hanit të Elezit, mësues, nxënës e qytetarë të tubuar i përshëndeti drejtori i kësaj shkolle z.Emrush Dernjani.
Duke prezantuar një historiat të shkurtër të kësaj shkolle, z.Dernjani tha se Shkolla Fillore e Mesme e Ulët ,,Kështjella e Diturisë” sot ka 12 dhoma mësimi për 253 nxënës, prej të cilëve 132 janë femra me të cilët punojnë 13 arsimtarë. Ai tha se kjo shkollë është pajisur me lokalet tjera përcjellëse, me aneksin e kësaj shkolle, donacion nga CARITAS-i i Luksemburgut, ngrohje qendrorë falë donacionit të LOGOS-it, me kamera monitoruese pjesë e projektit të Safer World Në këtë shkollë është hapur edhe qendra për aftësim profesional dhe klasa e shekullit 21, projekt i finansuar nga BEP-USAID që së bashku me investimet e bëra nga komuna me pajisjen e arsimtarëve me llaptop dhe klasëve me projektorë janë siguruar kushte optimale për mbarvajtje të procesit edukativo-arsimorë . Këto kushte të mira, krijuan një ambient të favorshëm për punë dhe mësimdhënie e mësimnxënie më cilësore të cilat do të mundësojnë arritjen e një suksesi të lartë në fundë të vitit mësimorë tha z. Dernjani.
Drejtori i DKA-së Nesim Dernjani, duke përshëndetur të pranishmit nxënësit dhe stafin e shkollës ,,Kështjella e Diturisë” urojë për këtë përvjetorë, dhe për sukseset që po arrihen në procesin e arsimit dhe edukumit të shumë gjeneratave .
Në vazhdim nxënësit e kësaj shkollë u prezentuan me një program të pasur kulturorë dhe artistik.
Zyra për Informim
