Shkolla Fillore e Mesme e Ulët ,,Kështjella e Diturisë” me një manifestim rasti shënoi 65 vjetorin e hapjes së shkollës së parë shqipe në fshatin Paldenicë dhe 7 vjetorin e pavarsimit .
Përfaqësues të institucioneve komunale, mësues e veteranë të arsimit të kësaj treve,përfaqësues të shoqatave të Logos-it,Safer World-it,Caritas-it dhe të gjithë atyre që ndihmuan në mënyra të ndryshme shkollën tonë u jemi shumë mirënjohës tha në fjalimin përshëndetës drejtori i kësaj shkolle Emrush Dernjani.
Duke prezantuar një historiat të shkurtër të kësaj shkolle z. Dernjani tha se vitin shkollorë 2011/12 nxënësit dhe arsimtarët e filluan në mënyrë solemne në objektin e ri me hapsirë të mjaftueshme,ku mësimi zhvillohet vetëm në një ndërrim nga cikli parafillorë deri në klasën e nëntë.
Shkolla jonë sot ka 14 dhoma mësimi për 261 nxënës ,me të cilët punojnë 13 arsimtarë, e pajisur me lokalet tjera përcjellëse, me aneksin e kësaj shkolle donacion nga CARITAS-i i Luksemburgut, ngrohje qendrorë falë donacionit të LOGOS-it,me kamera monitoruese pjesë e projektit të Safer World dhe me ndihmën nga komuna dhe komuniteti,kemi siguruar mbarvajtje të procesit edukativo-arsimorë dhe suksese të konsiderueshme të nxënësve të dalur nga ky institucion arsimorë tha z. Dernjani.
Drejtori i DKA-së Nesim Dernjani, duke përshëndetur të pranishmit dhe duke uruar nxënësit dhe stafin e shkollës ,,Kështjella e Diturisë” për këtë përvjetorë , tha se kjo shkollë me punën dhe sukseset që po arrinë në procesin e arsimit dhe edukumit të shumë gjeneratave vërtetë po shëndrohet në Kështjellë Diturie.
Kryetari i komunës Rufki Suma tha se vitin 2012 e kemi shpallur vit të avancimit të arsimit në komunën e Hanit të Elezit.Jemi duke u angazhuar që të gjitha shkollat e komunës sonë të pajisen me mjete moderne të arsimit.Në këto përpjeket tona jemi duke gjetur edhe mirëkuptimin e institucioneve tona por edhe të donatorëve të ndryshëm andaj po shfrytëzoj rastin që të ju falemnderoj në emër të qytetarëve të komunës së Hanit të Elezit.
Kryetari i komunës Rufki Suma me këtë rastë për kontributin e dhënë në zhvillimin e komunës së Hanit të Elezit ndau mirënjohje për Shoqatën e LOGOS-it,Safer World dhe FIQ-in si dhe CARITAS-in e Luksemburgut.
Në vazhdim nxënësit e kësaj shkollë u prezentuan me një program të pasur kulturorë dhe artistik.
Zyra për Informim
