Hani i Elezit 27.02.2012
Pas homazhit në Kompleksin e Varrezave të Dëshmorëve në Puset e Nikës, ish ushtarë, invalid dhe veteranë të UÇK-së, familje të dëshmorëve, përfaqësues të FSK-së, Policisë së Kosovës, përfaqësues të institucioneve lokale , mysafirë e qytetarë të komunës së Hanit të Elezit me një manifestim përkujtimorë në Shtëpinë e Kulturës ,,Imri Curri” shënuan 26 shkurtin Ditën e Krismës të Pushkës së Parë në Puset e Nikës .
Në këtë datë të rëndësishme për komunën e Hanit të Elezit, datë e një kthese të historisë më të re , datë kur njësiti i UÇK-së i vendosur në Puset e Nikës nga Qershori i vitit 1998 u përballë për herë të parë me ushtrinë kriminele të okupatorit serbë.
Për të revokuar mbi këtë ngjarje të madhe, të pranishmëve iu drejtua Ish komandanti i Brigadës 164,,Gafurr Loku” tani kryetar i komunës së Hanit të Elezit Rufki Suma.
Njësiti i UÇK-së, edhe pse në numër mjaft të vogël me më pak se 20 luftëtarë , i prirë nga komandant Hoxha, në luftë të zhvilluar në afërsi edhe deri 10-15 metra, përballoi me sukses sulmin e forcave të armatosura serbe. Ky moment shënon edhe Krismën e Pushkës së Parë në Puset e Nikës, me ç’rast forcave të okupatorit serbe ju shkaktuan disfatë ndërsa njësiti i UÇK-së kishte vetëm një të plagosur.
Kjo datë kishte edhe një rendësi të veçantë ngase nga kjo datë këtij njësiti filluan të i shtohen në vazhdimësi ushtarët e rinj dhe shtëpitë e Familjes Brava u shndërrua në kazermë ushtarake të UÇK-së. Kjo ngjarje aktivizoi qytetarët e sidomos bashkatdhetarët tanë me punë të përkohshme në botën e jashtme të cilët u organizuan për të grumbulluar mjete financiare për blerjen e armatimit.
Falë këtij kontributi Brigada e jone nuk kishte probleme në furnizime dhe nuk kishte nevojë për fondet e asaj kohe siç ishin fondi ,, Vendlindja Thërret” apo fondi i Bukoshit, dhe shfrytëzoj rastin që edhe një herë të ju falënderoj të gjithë ata që kontribuan në këtë drejtim tha z. Suma para të pranishmëve.
Të nderuar të pranishëm,sot po shënojmë një datë të rëndësishme,festojmë të lirë,po punojmë të lirë,falë luftës së UÇK-së, Dëshmorëve tanë dhe sakrificës së invalidëve dhe luftëtarëve të UÇK-së,datë e historisë së re të Hanit të Elezit për të cilën ndihemi krenarë te gjithë.
Fatkeqësisht edhe pas trembëdhjetë viteve institucionet më të larta të shtetit ende nuk miratuan një Ligj që do të shpërblente Luftëtarët e UÇK-së, ata miratuan Ligjin për Veteranët dhe kategoritë tjera të luftës por në atë Ligj nuk janë askund të drejtat dhe beneficionet e luftëtarëve të UÇK-së.
Andaj nga këtu, në emër të veteranëve ,edhe një herë të ju drejtohemi institucioneve më të larta të vendit që të rishikojnë Ligjin për vlerat e luftës , në veçanti, të veteranëve të UÇK-së, dhe të trajtohen ashtu siç e kanë merituar.
Luftën e lavdishme të UÇK-së e bëmë nën Flamurin Kuq i Zi, luftëtarët dhanë jetën e tyre për çlirimin e të gjitha trojeve shqiptare.
Këtë vit po shënojmë 100 vjetorin e shtetit Shqiptarë, andaj po shfrytëzoj rastin që gjithë juve të uroj këtë përvjetorë me dëshirë për bashkimin e të gjitha trojeve shqiptare tha z.Suma.
Lavdi të rënëve,nderim luftëtarëve
Rroftë Shteti Shqiptarë, Rroftë Bashkimi Kombëtarë
Për të pranishmit për këtë manifestim përkujtimorë ishte përgatitur edhe një program Kulturorë Artistik.
Zyra për Informim
