Hani i Elezit 22.04.2011
Me rastin e 22 prillit Ditës Ndërkombëtare të Tokës,institucionet e komunës së Hanit të Elezit organizuan një aksion të koordinuar për pastrimin e qytetit të Hanit të Elezit dhe rrethinës.
Nxënës ,punëtorë të institucioneve, pjesëtarë të SHPK,KFOR-it ,njësisë zjarrfikëse e qytetarë iu përgjigjën ftesës së Drejtorisë së Urbanizmit ,Kadastrit dhe Mbrojtjes së Mjedisit , si bartëse e këtij aksioni,që këtë ditë ta shënojnë me punë të përbashkët për pastrimin e qytetit por njëkohësisht edhe një sensibilizim të përgjithshëm se mbrojtja e ambientit të mos jetë vetëm një ditë e shënuar por një përgjegjësi ditore e secilit qytetarë.
Sigurisht se çështja e ndotjes së ambientit për qytetarët e Hanit të Elezit është edhe më e rënda duke pas parasysh se është edhe një ndër vendbanimet më të ndotura në Kosovë,e ndikuar drejtpërdrejtë nga pluhuri i Fabrikës së Çimentos,problem ky që në vazhdimësi është duke e rënduar jetën normale të qytetarëve ,por që fatkeqësisht mbete ende pa ndonjë zgjedhje premtues,përkundër kërkesë së vazhdueshme të komunës drejtuar edhe kompanisë,, Sharrcem” por edhe Institucioneve Shtetërore.
Si do që të jetë nevoja për një jetë sa do normale edhe për rrethanat e momentit dikton arsyeshmërin që aksione dhe veprime të kësaj natyre të jenë edhe më të shpeshta dhe më gjithëpërfshirëse duke përfshirë edhe Ministrinë e Mjedisit dhe Planifikimit Hapësinorë,Komunën e Hanit të Elezit si dhe të gjithë atyre kompanive që në mënyrë të drejtpërdrejt ndikojnë në ndotjen e ambientit për hartimin e ndonjë strategjie afatgjate në mbrojtje të mjedisit dhe ambientit të këtij vendbanimi.
Zyra për Informim
