Hani i Elezit 06.05.2014
Kompanija “Sharrcem” nga Hani i Elezit mbajti sot takimin e parë të hapur me qytetarët e komunës së Hanit të Elezit për të shpalosur detajet e projektit LAB (Laboratori për Aktivitete të Biznesit).
Në panelin e prezantimit të projektit LAB ishin:
Enver Curri, Menaxher i Prodhimit (Kryesues i Komitetit CSR të Sharrcem-it), Rufki Suma, Kryetar i Komunës së Hanit të Elezit,Ylber Burgija, Zyrtar për Zhvillim të Biznesit në Sharrcem, Halit Hoxhaj, Këshilltar Politik, Ministria e Bujqësisë, Pylltarisë dhe Zhvillimit Rural, Ali Axhami, nga Komuna e Hanit të Elezit dhe Evangelos Vergos, nga Shkolla Amerikane e Bujqësisë në Selanik.
Fjalën hyrëse dhe mirëseardhëse për pjesmarrësit si dhe informatën e rolit të CSR, e prezantoi Enver Curri. Ai tha se sot po bëhet prezantim i projektit më të madh CSR deri tani në Kosovë, që do të shpaloset nga Sharrcem, kompani e Grupit Titan. Qëllimi kryesor i projektit është që Sharrcem-i të kontribuojë në zhvillimin e qëndrueshëm në Han të Elezit në përputhje me strategjinë dhe qëllimet kryesore CSR.
Ndërsa Kryetari i komunës Rufki Suma falënderoi kompanin”Sharrcem”për angazhimin dhe kontributin e sajë në implemntimin e shumë projekteve në komunën e Hanit të Elezit. Kryetari Suma deklarojë gadishmërinë e komunës së Hanit të Elezit që të jetë pjesë aktive në përkrahjen dhe imlementimin e projektit LAB.
Halit Hoxhaj, Këshilltar Politik në Ministrinë e Bujqësisë, Pylltarisë dhe Zhvillimit Rural theksoi se është hera e parë që po fillon të implemetohet një projekt i këtij karakteri. Ai tha se Ministria e Bujqësisë, Pylltarisë dhe Zhvillimit Rural është duke përkrahur në forma të ndryshme ndërmarrjet e mëdhe dhe të mesme, dhe ky projekt do të jetë një mundësi që Ministria të përkrah edhe ndërmarrjet e vogla dhe ndërrmarrësit individual.
Prezantimin e detajeve të projetit LAB e bëri Ylber Burgija, Zyrtar për Zhvillim të Biznesit nga kompanija “ Sharrcem”.Ai tha se Laboratori i Biznesit është dizajnuar që të mbështesë dhe përshpejtojë procesin e zhvillimit të suksesshëm të kompanive të reja duke i ndihmuar ndërmarrësit e rinj me burime dhe shërbime të ndyshme. Ndërmarrësit e rinj do të aftësohen përmes trajnimeve për zhvillim të biznesit, mbështetjes teknike dhe administrative, këshillave për menaxhim dhe zhvillim të biznesit, çështjeve ligjore, financiare, si dhe qasjes në financa Qëllimet e projektit janë që të kontribuohet në krijimin e vendeve të reja të punës dhe të promovohet zhvillimi i sektorit privat i orientuar. Duke u bazuar në një numër të konsiderueshëm të analizave të bëra me përfaqësuesit e institucioneve dhe programeve për mbështetjen e bizneseve fillestare, organizatave donatore, strukturave që mbështesin biznesin, ministrive, agjencive dhe kompanive private si dhe hulumtimeve të kompletuara, është identifikuar se sektori i bujqësi ka kapacitet dhe potencial të nevojshëm për hapjen e vendeve të reja të punës që kanë të bëjnë me përkrahjen e bizneseve fillestare dhe shërbimeve për mbështetjen e bizneseve.
Evangelos Vergos, nga Shkolla Amerikane e Bujqësisë në Selanik para pjesmarrësve shpalosi përvojat nga Shkolla Amerikane e Bujqësisë në Selanik në këtë fushë.
Laboratori i Aktiviteteve të Biznesit ka të themeluar bordin në këtë përbërje:
Hysen Shabanaj, Drejtor Gjeneral
Heini Conrad, Helvetas
Mark Wood, NOAKOS
Halit Hoxhaj, Ministria e Bujqësisë dhe President i Bordit të LAB
Ali Axhami, Komuna e Hanit të Elezit
Fatos Krasniqi, Banka Raiffeisen
Ylber Burgija, Sharrcem
Emmanuel Mitsou, Sharrcem
Zyra për Informim
