Hani i Elezit 02.04.2013
Zyrtarizimi i mardhënjeve të bashkëpunimit ndërmjet komunës së Hanit të Elezit si institucion me vendbanimet e komunës në përputhje me “Rregulloren për organizimin dhe bashkëpunimin e komunës me Fshatrat, Vendbanimet dhe Lagjet Urbane në territorin e komunës së Hanit të Elezit” gjeti përkrahjen e fuqishme edhe te banorët e fshatit Dremjak.
Fushata e mirë informuese lidhur me rëndësinë e formimit të Këshillave Lokale si dhe interesimi i banorëve që të bëhen pjesë aktive e proceseve vendimmarrëse të komunës, bën që ftesës për tubimin zgjedhorë t’i përgjigjen edhe banorët e këtij fshati.
Shtëpia e Shaip Currit ishte nikoqire e banorëve të fshatit dhe Komisionit komunal i formuar nga Kuvendi i Komunës së Hanit të Elezit për të implementuar rregulloren për zgjedhjen e këshillave lokale. Edhe banorët e fshatit Dremjak prezantuan në mënyrën më të mirë frymën e bashkëpunimit mes vete. Ata vendosën që i tërë procesi të jetë i hapur dhe me vota unanime vendosën që këshilli të përbëhet nga 5 anëtarë dhe me propozimet e tyre vendosën që Këshillin Lokal të fshatit Dremjak ta përfaqësojnë:
1.Shaip Curri –Kryetarë i Këshillit Lokal
2.Tahir Curri -Anëtarë i Këshillit Lokal
3.Mehmet Curri- Anëtarë i Këshillit Lokal
4.Nazim Curri – Anëtarë i Këshillit Lokal
5.Suad Curri – Anëtarë i Këshillit Lokal
Duhet të theksohet së Kryetari i Këshillit Lokal, Shaip Curri, është rizgjedhur në këtë detyrë nga banorët e këtij fshati që është dëshmia më e mirë e punës të këtij aktivisti të përkushtuar për të mirën e komunitetit të këtij fshati.
Zyra për Informim
