Prioritetet e rehabilitimit të mjedisit jetësor e posaçërisht rivitalizimi dhe rikultivimi i vendeve me eksploatim intenziv sipërfaqësor të resurseve dhe zvogëlimi gradual i ndotjes, degradimit dhe dëmit mjedisor paraqesin konceptin e ri të strategjisë së Kompanisë “Sharrcem TitanGrup” të Hanit të Elezit.
Përkushtimi i “Sharrcem TitanGrup” për të respektuar principet e përgjegjësisë shoqërore korporative (CSR) dhe të qëndrueshmërisë qëndron edhe në përparimin e mjedisit jetësor, nëpërmjet mbrojtjes së natyrës, shfrytëzimi racional i resurseve natyrore dhe menaxhimi i ekologjik.
Sipërfaqet e shfrytëzuara të resurseve natyrore mund të rrezikojnë mjedisin jetësor ndërsa rehabilitimin e sipërfaqeve është e obligueshme të bëhet menjëherë pas eksploatimit,
Duke i repektuar këto obligime Kompania “Sharrcem TitanGrup” të Hanit të Elezit ka filluar rehabilitimin dhe nivelizimin e sipërfaqeve tashmë të ekploatuara.
Në mënyrë që ky proces të jetë i standardeve të kompanive simotra të TitanGrup zyrtarë nga kompania “SharrcemTitan Grup” dhe zyrtarë të komunës së Hanit të Elezit realizuan vizitë në fabrikën e Çimentos “Antea Titan Grup” në Fushë Krujë të Shqipërisë dhe “TitanUsje” në Shkup Republika e Maqedonisë.
Vizita kishte për qëllim krahasimin e përvojave në revitalizimin dhe rikultivimin e sipërfaqeve të eksploatuara me qëllim të mbrojtjes së biodiversitetit dhe përmes saj ruajtja e baraspeshës së përgjithshme ekologjike.
