Hani i Elezit 08.12.2011
Grupi punues për Hartimin e Planit Lokal për Veprim në Mjedis në kuadër të projektit që po realizohen nga komuna e Hanit të Elezit dhe Qendra Rajonale Mjedisore (REC) ndërsa po financohet nga qeveria suedeze përmes SIDA-s është në fazën e vlerësimit të çështjeve mjedisore ku ndotja e ajrit, është vlerësuar si një ndër problemet mjedisore më të rëndësishme në këtë komunë.
Në takimin e fundit të grupit punues, është bërë ndarja e detyrave për sektorë të veçantë me që rast është bërë edhe analiza e anketimin që është duke u realizuar në kuadër të këtij projekti për të siguruar opinionin e banorëve në lidhje me problemet mjedisore.
Grupi punues prej 16 anëtarëve ,zyrtarë komunal,komuniteti I biznesit dhe nga shoqëria civile, është duke vepruar sipas metodologjis së punës për Hartimin e Planit të Veprimit në Mjedis I aprovuar gjatë trajnimit tre ditorë në Durrës I cili ishte i organizuar në 10 sesione të kompletuar si në aspektin teorik ashtua edhe atë praktik.
Ky grup punues në bashkëpunim me REC-un, do të ketë për synim të identifikojë realizimin e projekteve prioritare që do të dalin nga ky dokument dhe do të bashkëfinancohen nga Qendra Rajonale Mjedisore (REC) ,me 40 000 euro, dhe Komuna e Hanit te Elezit që participon me 20 000 euro.
Zyra për informim
