Hani i Elezit 26.09.2012
Qendra Rajonale për Mjedis për Evropën Qendrore dhe Lindore (REC) dhe Komuna e Hanit të Elezit vitin e kaluar nënshkruan marrëveshje bashkëpunimi me qëllim të Hartimit të Planit Lokal të Veprimit në Mjedis(PLVM).
Me këtë marrëveshje bashkëpunimi është deklaruar dëshira e përbashkët që të kontribuojnë në aplikimin e parimeve për zhvillim të qëndrueshëm, si dhe bashkëpunim të ndërsjellë në përgatitjen e planeve lokale për Veprim në Mjedis,për të kontribuar në përmirësimin e kushteve të jetesës për qytetarët në komunën e Hanit të Elezit në fushën e mbrojtjes së mjedisit dhe planifikimit përkatës.
Brenda kornizës së bashkëpunimit ndërmjet REC-ut dhe Komunës së Hanit të Elezit është dakorduar edhe realizimi i një projekti të përbashkëti cili do të imlementohet nga REC-u në bashkëpunim me Agjencinë Suedeze për Zhvillim Ndërkombëtarë .
Bashkëpunimi do të zhvillohet në përputhje me planin e punës i cili nënkupton financim të përbashkët për projekte të cilat dalin nga PLVM për komunën e Hanit të Elezit.
Pas punës njëvjeçare të grupit punues për hartimin e PLVM-së për të identifikuar projekte në përputhje me synimet e këtij bashkëpunimi , REC-u dhe komuna e Hanit të Elezit janë dakorduar që të bashkëfinansojnë projektin ,, Rregullim i Kanalizimit nga Ura e Fejzës – Rruga e të Përndjekurve -Fabrika e Okiporit”
Komuna e Hanit të Elezit e ka ende të pa mbuluar sistemin e largimit të ujërave sanitare dhe nuk ka ndonje sistem të veçantë për trajtimin e tyre. Zgjedhja e dhënë me këtë projekt parasheh ndërtimin e linjës kryesore kolektore të të gjitha kanalizimeve të cilat deri më tani janë shkarkuar në lumin Lepenc dhe ndërkohë do të mundësoj që edhe vendbanimet dhe lagjet të cilat deri më tani nuk kanë qenë të lidhura në ndonjë sistem të kanalizimit të ju mundësohet lidhje në këtë linje kolektore.
Sipas projektit gjatësia e kësaj linje është 1950 m dhe do të trajtojë 80% e ujrave sanitare dhe industriale të komunës së Hanit të Elezit dhe do të shtrihet përgjatë lumit Lepencë deri në pikën e paraparë për trajtimin e ujrave të ndotura.
Vlera e përgjithshme e këtij projekti është 68.177,49 € dhe do të bashkëfinancohet nga REC-u me 40.000 € dhe Komuna e Hanit të Elezit me 28.177,49 €.
Implentuese e projektit është kompania N.N.P ,,AREA” SH.P.K nga Kamenica dhe pritet të realizohet për 4 muaj.
Zyra për Informim
