Hani i Elezit 05.07.2014
Qytetarët e Komunës së Hanit të Elezit me keqardhje dhe shqetësim të madhë percollën ngjarjet e fundit në Shkup, ku si pasoj e së cilës u keqtrajtuan qindra protestues, qytetarë shqiptarë të cilët reaguan kundër dënimit të 6 shqiptarëve nga gjykata maqedone me dënim të përjetshëm në rastin “Monstra”.
Lidhur me këto zhvillime vie edhe reagimi i kryetarit të komunës së Hanit të Elezit Rufki Suma i cili tha se “Fillimisht duam të shprehim protestën tonë për veprimet e shtetit maqedonas për procese të montuara politike siç është rasti i denimit të qytetarve shqiptar me denim të përjetshëm.Veprimi i pushtetit maqedonas kundër shqiptarve nuk është i pari, por ajo po ndodh në vazhdimësi si pasojë e mos reagimit të duhur dhe adekuat të faktorit politik shqiptar në Maqedoni e sidomos faktorit politik shqiptar të kyqur në qeverin maqedonase.
Kërkojmë nga organizatat vendore dhe ndërkombëtare që të vendosen në mbrojtjen e të drejtave dhe lirive të njeriut, që të vendosen kundër reagimit brutal të policisë maqedone kundër një proteste që kishte qëllime paqësore.
Sikur të kishim një reagim të ashpër dhe me kohë të faktorit politik shqiptar për veprimin e “drejtësise maqedone” ndaj shqiptarve ne rastin “Monstra”, me siguri se nuk kishte ardhur deri te kjo situate që ndodhi dje me dt.04.07.2014.
Nuk janë të pakta rastet kur qytetaret maqedonas rrahin dhe keqtrajtojn fëmijet shqiptar në qytete të ndryshme të Maqedonise, djegim dhe shkatrrojnë pasurin e shqiptarve edhe në prezenc të policisë maqedone ashtu siq ishte rasti i fundit në Gjorgje Petrov, dëmtimi i varrezave të shqiptarve në vende të ndryshme të Maqedonisë, e shumë e shumë veprime të tjera antishqiptare, ndërsa veprimi i pushtetit maqedonas është aktiv vetëm kundër protestave dhe reagimit të shqiptarve.
Edhe përkundër kushtetutës maqedone që lejon përdorimin e gjuhës shqipe në Maqedoni, në tabelat e rrugëve deri në pikën kufitare me Kosoven, figurojnë mbishkrimet vetëm në gjuhën maqedone, angleze e frenge e jo edhe shqipe, që paraqet formën më të dukshme të diskriminimit të shqiptarëve në Maqedoni dhe ende nuk kemi ndonjë reagim të faktorit politik shqiptar në Maqedoni.
Si komunë fqinje e Maqedonisë kërkojmë nga institucionet maqedone që ti nderpresin veprimet antishqiptare në Maqedoni, sepse destabilizimi i Maqedonise shumë lehtë mund të destabilizoj edhe rajonin e më konkretisht komunën e Hanit të Elezit kur dihet se mbi 70% e familjeve të Hanit te Elezit kanë lidhje familjare e farefisnore në Maqedoni.
Gjithashtu kërkojmë nga faktori ndërkombetar që të merret më seriozisht me problemin e shqiptarve në Maqedoni sepse shumë lehtë mund të vie deri te destabilizimi i rajonit e cila me mundin dhe sakrificën e të gjithve është riparuar deri diku pas luftimeve të fundit në territoret e ish jugosllavisë.
Përshëndesim reagimin e shtetit shqiptar për ngjarjet e fundit në Maqedoni, por kërkojmë nga Qeveria e Republikës së Shqipërisë që këtë qështje ta ngritë në KS te OKB-se ashtu siç po veprojn të tjerët, ku për një incident edhe më të vogel qështjen e ngrisin në KS të OKB-se.
Duke mos dashur që rastet e tilla të përseriten në shtetin fqinjë, të gjithë të lënduarve të pafajshëm ju deshirojmë shërim sa më të shpejtë dhe lirimin e të burgosurve dhe të dënuarve të përjetshëm.
Nga faktori politik shqiptar në Maqedoni kërkojmë që të kontribojë në normalizimin e situatës duke reaguar me kohë për të mos lejuar eskalimin e situates.
Edhe përkundër disa tentimeve për një bashkëpunim ndërkufitar të Hanit te Elezit me komunat fqinje të Maqedonisë, këto zhvillime dhe veprimet antishqiptare nuk do të kontribojnë në bashkepunimin e mirë dhe të sinqert, andaj vetem në një frymë të rrespektimit të të drejtave të shqiptarëve në Maqedoni mund të vie deri te bashkëpunimi i sinqert ndërkufitar i Hanit të Elezit me komunat fqinje të Maqedonisë” tha kryetari i komunës Rufki Suma në reagimin e tij lidhur me zhvillimet e fundit në Shkup..
Zyra për Informim
