Letër për:
Presidenten e Republikës së Kosovës
znj. Atifete Jahjaga
Kryeatarin i Parlamentit të Republikës së Kosovës
z.Jakup Krasniqi
Kryeaministrin e Republikës së Kosovës
z. Hashim Thaqi
Ministrin e Punëve të Brendshme
Ministrin Bajram Rexhepi
Të nderuar.
Fillimisht dua që të ju përgëzoj për punën dhe angazhimin e juaj në drejtimin e institucioneve shtetrore të cilët ju i përfaqësoni.
Përkundër disa kerkesave me shkrim dhe reagimeve të të gjitha institucioneve të Hanit të Elezit drejtuar Juve dhe të gjitha institucioneve tjera me te larta shtetërore të Kosovës, përsëri jemi të detyruar të ju shkruajm për një dukuri që në vazhdimësi po e përcjellë Hanin e Elezit.
Siq jeni në dijeni për komunën e Hanit të Elezit, në gjuhën serbe ende përdoret emërtimi i kriminelit Gjeneral Jankoviq, emërtim i cili është fyes dhe irritues për banorët e Hanit të Elezit.
Kundër këtij emërtimi vazhdimisht kemi reaguar dhe ne të shumtën e rasteve kemi patur mirëkuptim nga shumica e institucioneve vendore dhe ndërkombëtare, por ende ky emërtim përdoret në disa institucione, e sidomos në Policinë Kufitare.
Emërtimi Gjeneral Jankoviq tani nga mesi i muajit mars 2012 ka filluar te perdoret në vulosjen e të gjitha pasaportave në Han të Elezit.
Kjo dukuri qe ndërprerë pas reagimeve të organizatave të dalura nga lufta e UÇK-së dhe qytetarëve të Hanit të Elezit të cilët disa herë kishin protestuar te pika kufitare në Han të Elezit, ku si kompromis i institucioneve tona ishte mos vulosja e pasaportave të shqiptarëve me këtë vulë, por një gjë e tillë ka filluar të përdoret përsëri.
Kërkoj nga ju, që ta hiqni nga përdorimi këtë emërtim, apo të paktën të mos i vulosni pasaportat e shqiptarëve me këtë emërtim deri në ndryshimin e vulave.
Ju bëjmë me dije se këtë vit Hani i Elezit përkujton 100 vjetorin e krimeve të Gjeneralit Jankoviq i cili në vitin 1912 kishte bërë krime mbi popullatën e kësaj ane, andaj vulosja e të gjitha pasaportave me këtë emërtim pikërisht në këtë përvjetor jubilar është shumë provokativ.
Këtë kërkesë e drejtojmi tek ju për të perdorur ndikimin tuaj sepse unë si kryetarë për çdo ditë kam vërejtje dhe reagime të qytetarëve, në të kundërtën nuk do të bartim kurfar përgjegjësie për reagimin e qytetarëve përmes formave tjera të protestave.
Edhe njëherë kërkojmë nga Ju që urgjentisht ta ndërroni këtë vulë në kufi ku përdoret emërtimi i këtij krimineli.
Me respekt
Kryetari i Komunës së Hanit të Elezit
Rufki Suma
Ju bëjmë me dije se këtë vit Hani i Elezit përkujton 100 vjetorin e krimeve të Gjeneralit Jankoviq i cili në vitin 1912 kishte bërë krime mbi popullatën e kësaj ane, andaj vulosja e të gjitha pasaportave me këtë emërtim pikërisht në këtë përvjetor jubilar është shumë provokativ.
