“Qytetaria Aktive” ishte tema e punëtorisë e cila është organizuar nga OJQ”Art-Rina”e përkrahur nga Ministria e Administrimit të Pushtetit Lokal dhe komuna e Hanit të Elezit .
Projekti i cili në fokus vuri qytetarët që jetojnë në viset rurale të territorit të komunës, qytetarë të sotshëm dhe jo qytetarë në pritje dhe ata duhet inkurajuar të përfshihen në vendim-marrje dhe të nxiten të mendojnë për rolin e tyre në shoqëri dhe mundësit për të ndërmarrë ndryshime.
Në punëtorin ku prezantuan udhëheqësit e zgjedhur të fshatrave dhe vendbanime, nga komuniteti i biznesit, përfaqësues të OJQ-ve, dhe zyrtarë nga komuna e Hanit të Elezit me në krye Kryetarin Rufki Suma dhe nënkryetarin Muzafer Dernjani, vlerësuan se objektivat e projektit mundë të realizohen përmes një agjende aktive ku duhet të mobilizohen dhe angazhohen përfaqësuesit lokal dhe për më tepër këtij qëllimi mundë t’i kontribuohet me angazhimin e grupeve të margjinalizuara në jetën demokratike duke përfshirë edhe përfaqësuesit e komunitetit fetar, shoqëritë kulturore dhe sportive, institucionet lokale publike, të sigurisë dhe personat me aftësi të kufizuara u tha ndër të tjera në këtë punëtori.
Edukimi qytetarë është përgatitja e individëve për të marrë pjesë si qytetarë aktiv në Demokraci.
Qytetaria e jonë pasqyron se kush jemi, si jetojmë me njëri tjetrin dhe si do të jenë fëmijët tonë në të ardhmen. Ky proces është i rëndësishëm pasi që çdo shoqëri ka nevojë për njerëzit që kontribuojnë në mënyra të ndryshme për një komunitet sa më të shëndoshë dhe sa më të qëndrueshëm tha z. Fatmir Haxholli moderatorë i këtij takimi duke shtuar se ky projekt mundë të ketë sukses vetëm me vendosjen e partneritetit me organet drejtuese të komunës.
Pjesmarrësit në këtë punëtori u certifikuan nga organizatori i kësaj punëtorie OJQ "Art Rina" ndërsa me këtë rast u vlerësuan lartë edhe zhvillimet në komunën e Hanit të Elezit në rolin e saj shumë aktiv në drejtim të “Qytetarisë Aktive” dhe për kontributin e dhënë OJQ”Art-Rina” nderoi me "Mirënjohje" kryetarin e komunës z.Rufki Sumën.
Pas takimit pjesëmarrësit vizituan edhe Kompleksin e Varrezave të Dëshmorëve në Pustenik.
Zyra për Informim
