Hani i Elezit 18.02.2012
Me një manifestim solemn të organizuar nga komuna e Hanit të Elezit ,qytetarët e komunës sonë kremtuan përvjetorin e katërt të Pavarësisë së Republikë së Kosovës.
Rrugët e Hanit të Elezit të mbushura me qytetarë dhe të stolisura me flamuj kombëtarë qonin kah Shtëpia e Kulturës ,,Imri Curri” e cila ishte e vogël për ti zënë të gjithë ata që kishin ardhë, që për një moment të jenë së bashku dhe të urojnë ndër veti për këtë përvjetor të rëndësishëm të historisë më të re të kombit tonë.
Duke përshëndetur dhe uruar për mirëseardhje kryetari i komunës Rufki Suma tha ;
Të nderuar pjesëmarrës, Republika e Kosovës, trembdhjet vite pas Çlirimit dhe në përvjetorin e katërt të Pavarësisë të Republikës së Kosovës, me 88 njohje nga shtete më të mëdha dhe më me ndikim në botë, po ecën ngadalë drejt synimit madhorë qe të jemi anëtarë e Kombeve të Bashkuara me të drejta të plota dhe të barabarta si të gjitha shtetet dhe kombet e lira.
Fatkeqësisht në këtë rrugëtim ende po hasim në pengesa dhe vështërsi të atyre që kombin tonë kanë dashur të zhdukin nga faqja e dheut ,armikun tonë shekullorë shtetin Serb, që vazhdon me të gjitha mjete e mundshme të shkatërron çdo të arritur tonë.
Ne qytetarët e komunës së Hanit të Elezit kemi shumë të drejtë që ti gëzohemi përvjetorëve të Pavarësisë së Kosovës.
Kontribuam me luftë e me gjak të Dëshmorëve tanë, po kontribuojmë edhe pas luftës në ndërtimin e komunës sonë por edhe të shtetit tonë.
Trembëdhjetë dëshmorët e UÇK-së, të cilët pushojnë të qetë në Kompleksin Memorial të Varrezave të Dëshmorëve në Puset e Nikës, së bashku me të gjithë Dëshmorët anë e këndë Kosovës janë gurëthemeli mi I çmuar i këtij shteti.
Të nderuar të pranishëm dëshmorët kishin një ideal, ata ka rënë për çlirim dha bashkim të gjitha trojeve shqiptare, ata kishin luftuar nën flamurin e UÇK-së, flamurin kuq e zi dhe shqiponjën dy krenare, andaj ne duhet të punojmë që amanetin e tyre ta qojmë në vend .
Këtë vit kemi përvjetorin e njëqind të shtetit të Shqipërisë, dhe ne kemi fatin dhe nderin që të jemi pjesëmarrës dhe dëshmitarë te kësaj dite historike , ditë e vulës dhe dëshmisë më të mirë dhe më të fort para të gjithë atyre qe ende mundohen të minimizojnë fuqinë dhe historinë e një kombi .
Ne duhet të punojmë dhe të ecim përpara, por asnjëherë të mos e harrojmë të kaluarën tone sepse nëse e harrojmë atë çka na kishte ndodhur para 13 viteve, historia do të na hakmerret dhe lehtë mund të na përsëritet.
Këtë përvjetor po e shënojmë edhe me një varg projektesh kapitale për Hanin e Elezit.
Kemi realizuar 38 projekte, kemi investuar në Infrastrukturë, Arsim, Shëndetësi, Shërbime Publike, po ndërtojmë një Administratë të plotë dhe funksionale.
Me planet dhe veprimet tona dëshirojmë të trokasin ne derën e secilës shtëpi të komunës sonë, duke u munduar që të ndikojmë në mirëqenien e secilit qytetarë.
Të nderuar pjesëmarrës, , në emër timin dhe në emër të administratës së komunës së Hanit të Elezit të Ju uroj Festën e Pavarësisë, së Kosovës ,100 vjetorin e Pavarësisë së Shqipërisë, dhe Bashkimit Kombëtarë, tha në fund të fjalimit të tij kryetari i komunës Rufki Suma.
Për të pranishmit në këtë ditë solemne u prezantua edhe program kulturor-artistik i përgatitur për këtë ditë festive.
Zyra për Informim
