Qytetarët e komunës së Hanit të Elezit në mënyrën më të mirë të mundëshme iu përgjigjën aksionit për dhurim vullnetarë të gjakut në kuadër të muajit të dhurimit të gjakut me moton ,,Dhuro gjak shpëto jetë”
Kjo ngjarje humanitare këtë vit është zhvilluar me iniciativën e Bashkësusë Islame në bashkëpunim me Drejtorinë për Shëndetësi dhe Mirëqenije Sociale të komunës së Hanit të Elezit.
Aksioni I dhurimit të gjakut filloi në ora 14.00 , pas faljes së namazit të Xhumas gjat se cilës kryetari I bashkësisë Islame z. Muhamet Suma dhe Hoxhë Tafil Ramuka në namazet e tyre informuan qytetarët për qëllimin dhe rëndësin e këtij aksioni.
I tërë aktiviteti informues rezulltoi me numër të madhe të qytetarëve të cilat ishin vënë në radhë për të dhuruar gjakë.
Në radhë të vullnetarëvë për dhurim të gjakut ishin përfaqesues të institucioneve komunale me në krye kryetarin e komunës së Hanit të Elezit Rufki Suma,nënkryetarin Muzafer Dernjani,kryesuesin e kuvendit Menduh Vlashin dhe zyrtarë tjerë , si dhe përfaqësues të Bashkësis Islame të Komunës së Hanit të Elezit , me në krye Z Muhamet Suma kryetarë i BI-së e shumë qytetarë të komunës së Hanit të Elezit
Nga numri i përgjithshëm prej mbi 100 vullnetarëve të regjistruar për dhurim të gjakut 73 nga ta dhuruan gjak ,me që rast duhet të theksohet se këtij aksioni iu bashkangjiten edhe vullnetare të gjinisë femrore .Aksioni për dhurimin e gjakut është zhvilluar në hapësirat e Xhamis së qytetit të Hanit të Elezit.
Drejtori i Drejtorisë për Shëndetësi dhe Mirëqenije Sociale Safet Bushi tha se i tërë ky aktivitet është koordinuar mirë ndërmjet stafit të QKMF,,Menduh Kaloshi” nga Hani i Elezit dhe Entit për Transfuzion të Gjakut nga Prishtina , me që rast falemnderoi edhe Bashkësin Islame të komunës së Hanit të Elezit për iniciativën dhe përkrahjen e kësaj ngjarje humanitare.
