Hani i Elezit 19.07.2012
Me 18 korrik, Qendra Rajonale e OSBE-së në Gjilan organizoi punëtorinë një ditore për buxhetimin gjinor në mënyrë që t’u ndihmojë zyrtarëve komunalë të të gjitha komunave të rajonit, në veçanti drejtorive komunale, zyrtareve për barazi gjinore dhe shoqërisë civile ta ngritin të kuptuarit e rëndësisë për temën e buxhetimit të përgjegjshëm gjinor.
Drejtori i qendres rajonale te OSBE-së në Gjilan, Ulrich Biffar, në hapje të punëtorisë që vjen si pjesë e aktiviteteve trajnuese të sektorit për qeverisje lokale te zyrës qendrore të OSBE-së tha se ‘Misioni i OSBE-se ne Kosovë mëton t’i jep prioritet barazisë gjinore si një ndër principet kryesore të shoqërive demokratike ku pjesëmarrja e te dy palëve, grave dhe burrave është esenciale. Ai shtoi se tema mbi buxhetimin gjinor është veçmas e rëndësishme ngase është temë relativisht e re, prandaj do të dëshironim që të bëhet pjesë e të gjitha planifikimeve’ .
Në anën tjetër, Sadete Tërnava-Osmani trajnere e kësaj teme, elaboroi buxhetimin gjinor dhe përfshirjen e saj në ciklin e buxhetit komunal duke paraqitur kornizën ligjore tematike në kontekstin ndërkombëtar dhe vendor.
Pjesëmarrësit diskutuan prioritetet e komunave përkatëse me theks në tematiken e planifikimit te buxhetimit të përgjegjshëm gjinor në projektet kapitale.
Nga punëtoria dolën një varg rekomandimesh të përbashkëta të cilat do te dërgohen nëpër komunat pjesëmarrëse nga qendra rajonale e OSBE-së ne Gjilan.
Zyra për Informim
