Hani i Elezit 19.03.2013
Në komunën e Hanit të Elezit vazhdojnë aktivitetet për të zbatuar në praktikë “Rregulloren për organizimin dhe bashkëpunimin e komunës me Fshatrat, Vendbanimet dhe Lagjet Urbane në territorin e komunës së Hanit të Elezit”. Këshillat lokale do të ju mundësoj fshatrave, lagjeve urbane dhe vendbanimeve të marrin pjesë në vendimmarrjen komunale, të shprehin nevojat e tyre të veçanta të njihen me zhvillimet komunale dhe shërbimet të jenë më afër qytetarëve të komunës dhe në përputhje me nevojat e tyre.
Zyrtarizimi i kësaj mardhënje po realizohet në përputhje me rregulloren e miratuar në vitin 2012 nga Kuvendi i Komunës së Hanit të Elezit e cila është hartuar në bashkëpunim të ngushtë me përfaqësuesit e tanishëm lokal, dhe në bashkëpunim me Asociacionin e Komunave të Kosovës, Ministrinë e Administrimit të Pushtetit Lokal dhe me përkrahjen e LOGOS-it.
Banorët e fshatit Pustenik në përputhje me dispozitat e rregullores së re dhe në një proces demokratik zgjedhën këshillin e ri lokal dhe udhëheqësin e këshillit.
Ashtu siç është paraparë në rregullore, banorët me propozimin e tyre vendosën që këshilli i fshatit të përbëhet prej 5 anëtarëve të cilët u votuan me vota të mbyllura nga lista e 7 anëtarëve të propozuar. Me shumicë votash banorët e fshatit Pustenik vendosën që për mandatin e ardhshëm tre vjeqarë këtë fshat ta përfaqësojë këshilli i zgjedhur me këtë përbërje:
1.Fadil Brava 46 vota-Kryetarë i këshillit lokal
2.Ibrahim Brava 24 vota-Anëtarë i këshillit lokal
3.Nusret Bushi 23 vota- Anëtarë i këshillit lokal
4.Sadat Bushi 20 vota- Anëtarë i këshillit lokal
5.Sejdi Brava 17 vota- Anëtarë i këshillit lokal
Për mbarëvajtjen dhe sigurimin e procedurave demokratike për zgjedhjen e këshillit të ri të fshatit Pustenik është kujdesur komisioni i themeluar me vendimin e Kuvendit të Komunës së Hanit të Elezit .
Zyra për Informim
