Me qëllim të shkëmbimit të praktikave të mira mbi funksionimin e komiteteve konsultative, sot në komunën e Hanit të Elezit është organizuar punëtori ku prezent ishin anëtarë të komiteteve konsultative nga Komuna e Hanit të Elezit, komunës së Vitisë dhe Komunës së Gjilanit.
Punëtoria e organizuar nga Misioni i OSBE-së në Kosovë, Qendra Rajonale e Gjilanit ishte mundësi që anëtarë e këtyre komiteteve të bashkëbisedojnë lidhur me funksionimin e tyre në komunat përkatëse.
Znj, Kristina Jovanovska nga Misioni i OSBE-së në Kosovë, Qendra Rajonale e Gjilanit duke falënderuar Komunën e Hanit të Elezit si nikoqire e këtij takimi tha se qëllimi është identifikimi i sfidave në funksionimin e komiteteve konsultative me qëllim të përmirësimit të rolit të tyre brenda komunës.
Komuna e Hanit të Elezit ka përvojën në funksionimin e këtyre komiteteve dhe ato përvoja të ndahen me anëtarë e komiteteve konsultative të komunës së Vitisë dhe Komunës së Gjilanit tha znj.Jovanovska.
Menduh Vlashi nënkryetarë i komunës së Hanit të Elezit duke uruar mirëseardhje, prezantoi një kronologji të formimit të komunës së Hanit të Elezit. Ai tha se komitetet konsultative të Komunës së Hanit të Elezit funksionojnë që nga legjislacioni i parë në vitin 2010 të cilat ishin themeluar në bazë të udhëzimeve administrative dhe ligjeve në fuqi. Nga përvojë e parë kuptuam rolin dhe rëndësinë e këtyre komiteteve dhe në këtë legjislacion këto komitet funksionojnë shumë mirë dhe po japin kontribut të çmuar si në legjislativ ashtu edhe në ekzekutiv.
Ndërsa Kryesuesi i kuvendit z.Qamush Brava i njoftoi të pranishmit me komitetet konsultative të cilat janë të themeluara në komunën e Hanit të Elezit si dhe me mënyrën e funksionimit të tyre. Ai vlerësoi lartë punën e këtyre komiteteve në interes të identifikimit të sfidave të komunitetit.
Më pas në bashkëbisedim kjo punëtori shërbeu për diskutim mbi çështjet e bashkëpunimit të trupave legjislativ dhe ekzekutiv të komunës me komitetet konsultative, zhvillimin e planit të punës, arritja të publiku, raportimi, kompensimi i anëtarëve të këtyre komiteteve dhe çështje tjera në kuadër të kompetencave të komiteteve konsultative.
