Hani i Elezit 20.04.2012
Qendra Rajonale e OSBE-së në Gjilan ishte sot nikoqire e takimit të parë të punëtorisë rajonale për Liderët Komunalë ,si pjesë e projektit ,,Përkrahja në shkëmbimin e përvojave më të mira në mes të zyrtarëve të të njëjtit nivel nga rajoni i Gjilanit”.
Kryetarë të komunave ,Kryesues të kuvendeve komunale,zyrtarë përkrahës administrativ të KK-ve si dhe zyrtarë për informim ,prezantuan në hapjen e punëtorisë rajonale e cila është nismë e projektit në fjalë, që do të ketë për qëllim krijimin e një rrjeti të suksesshëm dhe funksional për shkëmbimin e përvojave më të mira të zyrtarëve të të njëjtit nivel.
Ky projekt,përkatësisht punëtoritë e planifikuara do të kenë në fokusin e sajë kuvendet komunale ,zyrat përkrahëse si dhe zyrat për informim të cilat kanë për detyrë të përgatisin,udhëheqin dhe promovojnë mbledhjet e kuvendeve komunale.
Në fjalën hyrëse të këtij takimi,z.Ulrich Bifar tha se qëllimi i këtij projekti është të krijohen mundësi për shkëmbim të përvojave ndërmjet komunave ,takimet me karaktere pune si dhe vizita ndërmjet komunave. Duke u nisur nga përvojat e deritanishme, konsiderojmë se kjo formë e bashkëpunimit ndërmjet komunave mundë të rezultojë pozitivisht në përgatitjen dhe promovimin e punës së kuvendeve komunale tha z. Bihar.
Duke përshëndetur këtë nismë të OSBE-së kryetari i komunës së Hanit të Elezit , Rufki Suma tha se Komuna e Hanit të Elezit do të jetë pjesë aktive e këtij projekti për të promovuar të gjitha përvojat e komunës sonë.
Në vazhdim të takimit u diskutuan planet e aktiviteteve të projektit i cili planifikohet të zgjatë gjatë tërë vitit duke u plotësuar me komente dhe sugjerime nga pjesëmarrësit në mënyrë që të arrij rezultatet e pritura.
Zyra për Informim
