Hani i Elezit 15.01.2014
Këshilli qendrorë për mbrojtjen e të drejtave të punëtorëve të ish kombinatit “Sharr” të Hanit të Elezit organizuan në protestë të fuqishme në Han të Elezit.
Xheladin Laçi kryetarë i KQMDPSHA-s tha se ky këshill përfaqëson ish punëtorët nga katër njësit punuese “Sharr-Cimentores”, “ Salloniti”, “Lepenci” dhe “Silcaporit” dhe kjo protestë është pasojë e injorimit të kërkesave të shumta të këtyre punëtorëve të cilëve iu kanë shkelur të drejtat e tyre që nga 13 Qershori i vitit 2000 me vendimin mbi privatizimin e këtij kombinati.
Protestuesit fillimisht u grumbulluan në sallën e Shtëpisë së Kulturës “Imri Curri” për të nënshkruar peticionin i cili do të ju dërgohet të gjitha institucioneve relevante të Republikës së Kosovës.
Më pastaj protestuesit u përqendruan para objektit të komunës së Hanit të Elezit me ç’rastë ishte kërkesa e tyre që lidhur me motivet e kësaj proteste të informohet edhe kryetari i komunës Rufki Suma.
Kryetari i KQMDPSHA-s, Xheladin Laçi, para kryetarit të komunës z.Rufki Sumës dhe punëtorëve të tubuar tha se shumë punëtorë që humbën vendet e punës ishin të detyruar që të vetorganizohen dhe përmes kësaj forme të shprehin indinjatë e tyre. Ai tha se për plot 10 vite besuam se kishin në mbrojtje të punëtorëve stafin udhëheqës dhe sindikatën e tyre, por pas 10 viteve kuptuam se ata ishin të korruptuar nga militantë të grupeve politike dhe në mënyrë të dhunshme nga viti 2004 deri 2010 u larguan 1100 punëtorë. Me ligje diskriminuese nga shtylla e katërt e UNMIK-ut dhe ish AKM-s është privatizuar në mënyrë joligjore ky kombinat përkundër vendimit të plotëfuqishëm nga ish gjykata e lartë ekonomike e Qarkut të Prishtinës të vitit 1991 që ishin të plotëfuqishme për atë kohë ndërmarrja “Sharr” fiton statusin e shoqërisë aksionare. Për 14 vite ky status u shkel rëndë nga AKP-ja dhe zyra e autoritetit të lartë të likuidimit dhe shumë punëtorë u manipuluan duke humbur vendet e tyre të punës përkundër asaj që ky status i shoqërisë aksionare ju garantonte të drejtën e pronësisë në mbi 30% të fletëaksioneve, tha më tej z.Laçi duke shtuar se këto protesta do të vazhdojnë deri në realizimin e kërkesave të tyre.
Në anën tjetër kryetari Suma rikonfirmoi edhe një herë para punëtorëve protestues përkrahjen e tij për kërkesat e tyre të drejta. Ai tha se komuna e Hanit të Elezit që nga fillimi ka kundërshtuar procesin e privatizimit për shkak të shumë parregullsive që e kanë përcjellë këtë proces. Komuna e Hanit të Elezit për këtë arsye ka iniciuar edhe padi pranë dhomës së veçantë të Gjykatës Supreme për të vlerësuar ligjshmërinë e procesit të privatizimit, mirëpo edhe sot e kësaj dite nuk kemi marrë as një herë përgjigjeje. Unë plotësisht kuptojë indinjatën e juaj por ju nuk duhet të fajësoni ata që kanë blerë pronat e kombinatit “Sharr” por protestën e juaj ta drejtoni tek ata të cilët në mënyrë të padrejtë e shitën atë. Unë kërkojë nga ju, me plotë të drejtën që keni për të protestuar, që atë ta bëni me dinjitet dhe zëri i protestë suaj të arrijë në institucionet e duhura, që të ruani rendin dhe qetësin publike ashtu siq keni vepruar deri më tani tha kryetari Suma para punëtorëve protestues.
Pas takimit me kryetarin Suma, punëtorët protestën e tyre e vazhduan para hyrjeve të fabrikës së Cimentos dhe të ish fabrikës së Sallonitit ,tani terminalit doganorë, ku dorëzuan qëndrimet dhe kërkesat e tyre drejtuar institucioneve vendimmarrëse.
Zyra për Informim
