Hani i Elezit-06.02.2011
Ajo që ka qenë brenga më e madhe e ekzekutivit të Komunës së Hanit të Elezit se nga procesi i privatizimit të Sharrcemit do të ketë pasoja, fatkeqësisht u dëshmua sot.
Grupi prej afro 100 protestuesve,punëtorë të kësaj fabrike sot që në mëngjes u gjenden para Komunës së Hanit të Elezit duke kërkuar që të takohen me Kryetarin e Komunës ,në mënyrë që ta njoftojnë me pakënaqësinë e tyre rreth procesit të privatizimit,si dhe për hapat që planifikojnë ti ndërmarrin në të ardhmen për ti mbrojtur të drejtat e tyre.
Kërkesës së punëtorëve iu përgjigj Kryetari i Komunës Rufki Suma, me që rastë Xheladin Laçi në emër të këtyre punëtorëve e njoftoi në mënyrë kronologjike të gjitha rrethanat se si ky grup i punëtorëve ka mbetur pa vendet e tyre të punës ,duke apostrofuar në mënyrë të veçantë udhëheqësin e BSPK-së Haxhi Arifin i cili nuk ka bërë asgjë për ti mbrojtur të drejtat e tyre.
Duke iu drejtuar punëtorëve të pakënaqur Kryetari i Komunës Rufki Suma ,tha se që nga fillimi ka shprehë të gjithë paknaqësin e tij lidhur me parregullësit që e kanë përcjell procesin e privatizimit të Sharrcemi-it, dhe se në mënyrë institucionale i ka bërë të gjitha reagimet e duhura për të kundërshtuar këtë mënyrë të privatizimit ,se ka marrë edhe mandatin nga Kuvendi i Komunës për të ngre Padi në Dhomën e veçantë kundër AKP-së, dhe se do të vazhdoj për të bërë çdo gjë që është e mundur që së paku çështja e statutit të punëtorëve të jetë më e sigurtë.
Z.Rufki Suma edhe një herë para punëtorëve të tubuar deklaroi përkrahjen e tij për kërkesat e drejta të punëtorëve të tubuar por njëherit duke i lutur që këto protesta të jenë të qeta dhe të adresuara drejt të gjithë atyre të cilët janë më përgjegjësit për pozitën e tyre.
Më pas punëtorët iu drejtuan hyrjes së ,,Sharrcemi”- ku këto pakënaqësi do ti shprehin edhe para menaxhmentit të kësaj fabrike.
Zyra për Informim
