Hani i Elezit 27.11.2012
Zyra për barazi gjinore e komunës së Hanit të Elezit me rastin e fushatës ndërkombëtare ,,Gjashtëmbëdhjetë ditë aktivizëm kundër dhunës ndaj femrave dhe dhunës në familje”organizoi një tryezë pune në të cilën ishin ftuar nxënës , student, përfaqësues të shoqërisë civile dhe nga grupi jo formal i grave .
Znj. Ajete Berisha zyrtare për barazi gjinore në komunën e Hanit të Elezit, në hapje të këtij takimi tha se fushata gjashtëmbëdhjetë ditë aktivizëm kundër dhunës ndaj femrave dhe dhunës në familje është përgjigjeje e ftesës së OKB-ja që bën thirrje qeverive, organizatave internacionale dhe joqeveritare në mbarë botën, të organizojnë aktivitete të ndryshme, me qëllim që ta ngrenë vetëdijen publike për këtë problem.Ajo tha se për qëllim të kësaj fushate Zyra për barazi gjinore e komunës së Hanit të Elezit ka publikuar ,,Broshurë informuese kundër dhunës në familje” e cila do të shpërndahet falas me qëllim të senzibilizimit të qytetarëve tanë lidhur me masat parandaluese të dhunënës ndaj femrave dhe dhunës në familje.
Suad Vila profesorë i sociologjisë, në prezentimin e tij para pjesmarrësve tha se gjysma e popullatës së rruzullit tokësor janë gra,prandaj nëse njëra gjysmë e tërësisë është e keqtrajtuar, e ofenduar dhe e munduar, atëherë nuk mund të flasim për shoqëri të shëndetshme, që përbën tërësi kompakte dhe bazë për të ardhmen normale.
Studimet në lidhje me dhunën në familje janë të pakta në Kosovë. Ky problem në Kosovë vazhdon të trajtohet si problem privat, që i përket vetëm familjeve të cilat kanë këto probleme e jo të gjithë shoqërisë dhe shoqëria kosovare ende është duke vepruar në bazë të normave morale dhe shumica e rasteve të cilat ndodhin në shoqërinë tonë mbesin të mbyllura nga vetë grupi shoqëror tha ndër të tjera z. Vila.
Naser Laçi zyrtarë i lartë në Drejtorinë për Shëndetësi dhe Mirëqenie Sociale tha se ky departamentë është përgjegjëse për trajtrimin e rasteve të kësaj natyre.Ai tha se gjatë vitit 2011 kemi pasur tre raste ndërsa në vitin 2012 dy raste të cilat trajtohen në përputhje me Ligjet në fuçi.
Ndërsa Bukurije Shkreta nga grupi jo formal i grave tha se është e bindur se pas këtij takim do të ishte mire që të gjithë faktorë që mundë të ndikojnë dhe parandalojnë këto dukuri të angazhohen dhe të hulumtojnë edhe raste që ndoshta egzistojnë por se nuk janë të paraqitura .
Fushata ,,Gjashtëmbëdhjetë ditë aktivizëm kundër dhunës ndaj femrave dhe dhunës në familje” do të zhvillohet nga 25.11 deri 10.12.2012.
Zyra për Informim
