Projekti Zvicër-Kosovë Përkrahje Qeverisjes Lokale dhe Decentralizimit- LOGOS është projekt për Qeverisje Lokale, financuar nga Qeveria Zvicerane përmes Agjensonit Zviceran për Bashkëpunim SDC, ndërsa realizohet nga Fondacioni Zviceran INTERCOOPERATION. Faza e dytë do të zgjasë nga janari 2010 deri në dhjetor 2012. Buxheti është i përbërë nga 3 milion Euro, i ndarë për trajnime të cilat janë të dizajnuara enkas për komuna të caktuara, për këshillime si dhe për bashkëfinancime të projekteve. Qëllimi afatgjatë i fazës së II-të LOGOS-it është: qeverisja lokale dhe reformat e decentralizimit në komunat juglindore të Kosovës janë forcuar duke kontribuar kështu në zhvillimin e shoqërisë demokratike dhe shumetnike si dhe rritje të pjesëmarrjes së qytetarëve.
Projekti LOGOS, Projekti Zvicër-Kosovë Përkrahje Qeverisjes Lokale dhe Decentralizimit organizon lansimin e Thirrjes së Parë për propozime për projektet komunale nga komunat partnere:Hani Elezit, Kaçanik/Kačanik, Shtërpce/Strpce, Ranilug/Ranillug dhe Klokot/Kllokot për implementimin e projektet e shpejta. Takimi do të mbahet më 6 shtator 2010, e hënë, duke filluar nga ora 10:00 në restorant „Andia“ në Kaçanik/Kačanik.
Projektet janë pjesë të Fondit Investues të LOGOS (1.5 million €) që synon të përmirësoj qasjen dhe cilësinë e shërbimeve publike për qytetarë të komuniteteve të ndryshme, poashtu të ngris aftësitë e menaxhimit me projekte në komunat partnere. Fondet do tu ndahen komunave partnere përmes thirrjeve për propozime gjatë vitit 2010 dhe 2011.
Komunikatë për shtyp
