Hani i Elezit 14.03.2013
Kryetari i komunës së Hanit të Elezit ,Rufki Suma, priti në takim pune znj.Claudia Specht-Mohl udhëheqëse e Projektit- Menaxhimi i Tokave/Kadastër në kuadër të projektit për bashkëpunim ndërkombëtarë Gjerman GIZ.
Duke ju uruar mirëseadhje z. Suma tha se është shumë i kënaqur me bashkëpunimin e GIZ-it me komunën e Hanit të Elezit duke u nisur nga fakti se zyra kadastrale e komunës së Hanit të Elezit është zyre e posaformuar dhe falë bashkëpunimit me ju, me shumë sukses është duke iu përgjigjur sfidave dhe kërkesave që kërkohen nga kjo zyre. Zyra kadastrale është një ndër shërbimet më të rëndësihme që ne ju ofrojmë qytetarëve tanë dhe bashkëpunimi në këtë fushë me GIZ-in ka qënë në momentin më të duhur dhe ju jemi shumë mirënjohës tha z. Suma.
Jemi në dijeni me të gjitha nevojat dhe problemet e komunës suaj, dhe në këtë rrafsh do të keni përkrahjen tonë në fushën e ndihmës profesionale për zyrën kadastrale.Ndihma jonë do të vazhdojë në konsolidimin e zyrës suaj kadastrale tha znj.Specht-Mohl duke deklaruar se do të mbetet e përkushtuar që nga bashkëpunimi me ju të arrij qëllimin e duhur në profesionalizimin e stafit si dhe adoptimin e metodologjive të reja në këtë drejtim.
Drejtori i drejtorisë për urbanizëm dhe kadastër, Miqail Vila dhe znj. Specht- Mohl u dakorduan për perspektivën e bashkëpunimit të mëtutjeshëm të zyrës Kadastrale dhe GIZ-it .
Në mënyrë që punët e kërkuara gjeodete të kryhen shpejt dhe me kosto sa më të ulët dhe më efektive GIZ-i i dhuroi zyrës kadastrale të komunës së Hanit të Elezit pajisje të Sistemit të Pozicionimit Gjeografik GPRS, me vlerë 11.000,00€.
Me qëllim të përdorimit sa më mirë të këtyre pajisjeve GIZ-i ka planifikuar edhe trajnime, sidomos në trajnimin e stafit të zyrër kadastrale për përdorimin e sistemit GPRS, që tashmë është standard në vendet fqinje .
Zyra për informim
